DEUTERONOMIO 28:14 - Dios Rimashcata Quillcashcami

¹⁴ Cunan ñuca huillashpa mandashcacunamantaca allimanpish, lluquimanpish ama ladoyanguichicchu. Pacta shuctac dioscunata adorashpa pandaringuichicman.

DEUTERONOMIO 28:14 ပူးပေါင်းရင်းမြစ်များ

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

NEHEMÍAS 1:7

Yalli millaita ruhuashpami, canta piñachishcanchic. Canta servic Moisesman can cushca mandashcacunatapish, pactachichun cushca shimicunatapish, imata ruhuachun nishcacunatapish mana cazushpami canta piñachishcanchic.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

DEUTERONOMIO 11:16

Shungupi pandarishpa, Diosta catinata saquishpa, shuctac dioscunapac ñaupapi ama cunguringuichicchu.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

JOSUÉ 1:7

Ñucata servic Moisés mandashcata tucui pactachingapacca, mana manchashpa, sinchi cai. Tucui causaipi ima ruhuashcacuna alli llucshichunca cai mandashcacunamantami lluqui ladomanpish, alli ladomanpish mana ladoyana cangui.

JOSUÉ 23:6

Moisés mandashpa quillcashca libropi tucui nishcata cazushpa ruhuangapacca alli sinchi caichic. Chai mandashcacunamantaca alli ladomanpish, lluqui ladomanpish ama ladoyanguichicchu.