11 Mandac Diosmi huahuacunatapish, animalcunatapish, chagracunatapish cancunapac taitacunaman cungapac ari nishca allpapica achcata bendicianga.
Ñuca huarmipish ñuca samaita millanayachinmi. Ñucamanta tiyashca huahuacunapacpish millanami cani.
Diosmi paicunata bendiciashpa yallita mirachin. Paicunapac animalcunapish mana ima tucunchu.
Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.
Mandac Diosca pactachishatacmi nishpami Davidhuan ari ninacushpaca: «Can mandashpa tiyarinapica cambac huahua huahuapurallatatacmi churasha.
Mandac Dios bendiciashcaca chayucyachinmi. Shinallatac ima llaquipipish mana churanchu.
Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.
Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.
Cancunapac huahuacunapish, cancunapac allpapi pucushcapish, vacacuna mirashcapish, ovejacuna mirashcapish, tucui animalcuna mirashcapish, Mandac Dios bendiciashcami canga.
Shina causacpimi, Mandac Diosca tucui cancunapac maqui ruhuashcatapish, huahuacunatapish, cancunapac animal mirashcatapish, tucui allpa pucushcatapish achcata mirachinga. Mandac Diosca ñaupa taitacunahuan cushicushca shinallatacmi cancunahuanpish allita ruhuashpa cushicunga.
Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.