DEUTERONOMIO 28:10 - Dios Rimashcata Quillcashcami

¹⁰ Chaimantami tucui cai pachapi causaccunaca, cancunaca Mandac Dios acllashca llacta cashcata yachashpa manchangacuna.

DEUTERONOMIO 28:10 ပူးပေါင်းရင်းမြစ်များ

1 CRÓNICAS 14:17

David chashna ruhuashcaca tucui llactacunapimi yacharirca. Mandac Diosmi tucui llactacunapi Davidta manchachun chashna ruhuarca.

2 CRÓNICAS 7:14

Shina cachacpi, ñuca acllashcacuna yallita llaquirishpa ñucata mañacpi, ñucata mashcacpi, mana allita ruhuacushcata saquishpa, ñucapacman cutirimucpica, ñucapish jahua pachamanta uyashami. Paicunapac juchatapish perdonashami, paicunapac allpatapish allichishami.

ÉXODO 12:33

Tucui Egipto runacunaca: «Tucuimari huañugrinchic» nishpami, tucui israelcunata utca llucchishpa cacharca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ISAÍAS 63:19

Jaicapi mana can mandashca causac shinami, llaquichishca cashcanchic. Jaicapi cambac shutita mana cayashca shinami tucushca canchic.

JEREMÍAS 14:9

¿Ima nishpatac mancharishpa imatapish mana ruhuai pudic runa shina tucungui? ¿Ima nishpatac shuc sinchi runa mana quishpichi pudic shina tucungui? Shina cashpapish, Mandac Dioslla, canca ñucanchic-huanmi cangui. Ñucanchicca cambac shutipi cayashcami canchic. ¡Ñucanchictaca ama saquichu!

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

MALAQUÍAS 3:12

Chashna ruhuacpi, sumac llacta cacpimi, tucui llactapi causaccunaca: “Cushillami paicunaca causacun ningacuna” ninmi. Chaitaca tucuita Mandac Dios ñucami nini.

NÚMEROS 6:27

Ñuca shutipi israelcunata bendiciacpimi, ñucapish paicunataca bendiciasha» nirca.

HECHOS 15:17

Chashna ruhuacpimi, tucui llactamanta mana israelcuna cashpapish, ñuca cuyashcacunaca ñucata mañanata yuyaringa.

DEUTERONOMIO 11:25

Cancunahuanca pipish mana cariyangachu. Mandac Diosca, pai ruhuasha nishca shinami, tucui cai pachapi manchaita chucchuita churanga.

DEUTERONOMIO 2:25

Cunanmi cai pachapica manchaita, chucchuita churagrini. Cancunamanta parlashcata uyashpallami munai manchaihuan chucchunga” nirca.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.