DEUTERONOMIO 27:24 - Dios Rimashcata Quillcashcami

²⁴ Cutin: “¡Maijanta pacalla japishpa huañuchicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 27:24 ပူးပေါင်းရင်းမြစ်များ

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

1 REYES 2:5

Sarviapac cari huahua Joab ñucata, Israel soldadocunata mandac Nerpac churi Abnerta, Jeterpac churi Amasata imata ruhuashcataca canllatacmi yachangui. Paica macanacuna punzhacunapi shinami, mana macanacuna punzhapi paicunata huañuchishpa, yahuarta jicharca. Chaitaca macanacuipi yahuarta jichashcamantami chashna ruhuarca. Chashna huañuchishca yahuarhuanmi paipac chumbillina chumbitapish, paipac ushutatapish mapayachirca.

ÉXODO 20:13

Ama huañuchingui.

LEVÍTICO 24:17

Maijanpish huañuchictaca paitapish huañuchishca cachun.

NÚMEROS 35:30

Huañuchic runataca tauca testigocuna huillacpimi, paitapish huañuchinga. Ashtahuanpish shuclla huillac cacpica, pita cashpapish mana huañuchinachu.

NÚMEROS 35:31

Huañuchic runa mana huañuchishca cangapac cullquita cusha nicpica, ama japinguichicchu. Paica huañunatacmi can.