DEUTERONOMIO 26:8 - Dios Rimashcata Quillcashcami

⁸ Chaimantami Mandac Diosca paipac poderhuan, jatun milagrocunata ricuchishpa, pi mana ruhuaipaccunata ruhuashpa, Egipto llactamantaca llucchimurca.

DEUTERONOMIO 26:8 ပူးပေါင်းရင်းမြစ်များ

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

JEREMÍAS 32:21

Can acllashca israelcunataca cambac poderyuc maquihuan pi mana ruhuaipaccunata, mancharinacunata ruhuashpa, Egipto runacunata yallita manchachishpami llucchimurcangui.

DEUTERONOMIO 34:11

Mandac Dios Moisesta mandacpi, tucui ricuchinacunata, mancharinacunata Egipto llactapi Faraonman, paita serviccunaman, chaipi causaccunaman ruhuashpa ricuchishca shinataca pi mana ruhuarcachu.

DEUTERONOMIO 34:12

Moisesca pi mana ruhuaipaccunatapish, jatun mancharinacunatapish ruhuashpa, tucui israelcunaman ricuchircami. Pai ruhuashca shinataca pi mana ruhuarcachu.

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

DEUTERONOMIO 5:15

Egipto llactapi cancuna huatashca shina causacucpi, Mandac Dios ñuca poderhuan llucchishcata yuyaringui. Chaimantami canta Mandac Dios ñucaca samana punzhapica samarichun mandani.