DEUTERONOMIO 26:5 - Dios Rimashcata Quillcashcami

⁵ cancuna Mandac Diospac ñaupapi rimashpaca: “Ñaupa taitaca llaquita puric arameo runami carca. Paica Egipto llactaman rishpami chaipi causarca. Paica ashalla familia cashpapish mirashpa, jatun llacta tucushpami, yalli sinchicuna tucurca.

DEUTERONOMIO 26:5 ပူးပေါင်းရင်းမြစ်များ

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 24:4

Ashtahuanpish ñuca causana llactaman rishpa, ñuca aillupuramanta apamungapac ringui— nirca.

GÉNESIS 25:20

Isaacca chuscu chunga huatayuc cashpami, Padan-arammanta arameopuramanta Betuelpac ushi Rebecahuan cazararca. Rebecaca arameocunapuramanta Labanpac panimi carca.

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 28:5

Chashnami Isaacca Jacobotaca Padan-aram llactaman cacharca. Chaimantami arameopuramanta Betuelpac churi Labanpac huasiman chayarca. Labanca Rebecapac turimi carca. Cutin Rebecaca Esaupac, Jacobopac mamami carca.

GÉNESIS 31:20

Jacoboca arameopuramanta Labantaca chaimanta llucshigricushcata mana huillashpami umarca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

GÉNESIS 31:40

¡Tutaca chiripi, punzhaca rupaipi, mana sueñushpami llaquita aparcani!

GÉNESIS 43:12

Cullquitaca cutimushca cullquimanta chaupihuan yallita apaichic. Tulu shimipi cutishca cullquica pacta pandarishca canman. Chaita cutichingapac apaichic.

GÉNESIS 45:11

Caipica canmanpish, cambac familiamanpish ima mana illangachu. Shinallatac animalcunamanpish micuna mana illangachu. Chai llactapica pichca huatata yarcai tiyangaracmi” nishpa huillanguichic.

GÉNESIS 45:7

Cancunapish, cancunapac huahua huahuacunapish causaita charichun, shinallatac cancunata cushicuihuan cacharichichunmi, ñucata ñaupachishpa cacharca.

GÉNESIS 46:27

Egipto llactapi huacharishca Josepac churicunaca ishcaimi carca. Paicunandi tandachicpica, Jacobopac huasi ucupuraca canchis chungami Egiptoman carca.

GÉNESIS 47:27

Chashnami Israel runacunaca Egipto llactapi tiyac Gosén llactapi yallita mirarishpa, allpata japishpa causarca.

GÉNESIS 47:4

Ñucanchicca Canaán llactapi yalli yarcai tiyacpi, shinallatac ovejacunamanpish micuna mana tiyacpimi, cai llactapi causanata mañac shamurcanchic. Chaimanta canta servic ñucanchictaca Gosén llactapi causachun saquiyari— nishpa mañarcacuna.

ÉXODO 1:12

Chashna paicunata ashtahuan llaquichicca, ashtahuanmi mirashpa catirca. Chaimantami Egipto runacunaca israelcunata manchashpa,

ÉXODO 1:5

Jacobopac tucui aillucunaca canchis chungami carca. Joseca ñami Egiptopi causacurca.

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

OSEAS 12:12

Ashtahuanpish Israel nishca Jacoboca Aram llactamanmi miticushpa rirca. Paica huarmihuan cazarangapacmi ovejacuna michishpa servishpa causarca.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.

HECHOS 7:15

Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurca. Paicunaca ñucanchic ñaupa taitacunami carca.

DEUTERONOMIO 1:10

Mandac Diosmi cancunataca yallita mirachishca. Cunanca jahua pacha lucerocuna shinami, achca tucushcanguichic.

DEUTERONOMIO 10:22

Cancunapac taitacunaca canchis chunga gentehuanmi Egiptoman rirca. Cunanca, Mandac Diosca jahua pachapi tiyac lucerocunata shinami achcata mirachishca.

DEUTERONOMIO 26:4

Cura chai canashtata japishpa, Mandac Diospac altar ñaupapi churacpi,

DEUTERONOMIO 7:7

Mandac Diosca mana shuctac llactacunamanta ashtahuan achca cashcamantachu acllarca. Ashtahuanpish cancunaca shuctac llactacunamanta ashtahuan uchillami canguichic.