DEUTERONOMIO 26:2 - Dios Rimashcata Quillcashcami

² punta pucushca granota shuc canashtapi churashpa, Mandac Dios paipac shuti causachun acllashca pushtuman apanguichic.

DEUTERONOMIO 26:2 ပူးပေါင်းရင်းမြစ်များ

2 REYES 4:42

Chai quipami Baal-salisa pueblomanta shuc runa Diospac runaman cungapac punta pucushca granota apamurca. Paica ishcai chunga cebada tandata, mushuc trigo espigacunatapish apamurca. Chaita japishpami, Eliseoca paita serviccunataca: —Gentecuna micuchun carai— nirca.

2 CRÓNICAS 31:5

Pai mandashcata huillacpica, tucui israelcunami allpacunapi pucushca punta granota, vinota, aceiteta, bunga mishquita, pambacunapi pucushca shuctac granocunatapish achcata curcacuna. Shinallatac tucui ima tiyashcacunamantami chungamanta shucta chicanyachishpa achcata apamurcacuna.

2 CRÓNICAS 6:6

Ashtahuanpish ñuca shuti chaipi causachunca Jerusalentami acllarcani. Ñuca acllashca israelcunata mandachunca Davidtami acllarcani” nishcami carca.

NEHEMÍAS 12:44

Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

NEHEMÍAS 13:31

Ima horas Diosman cuna yantata, punta pucushca granota cunatapish allichircanimi. «¡Ñuca Dioslla, ñuca chashna ruhuashcamantaca ñucamanpish allita ruhuanata yuyaringuiyari!»

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

ÉXODO 34:26

Cambac allpapi pucushca granomantaca punta ashtahuan alli granota ñucata yuyarina huasiman apamungui. Ama malta chivo aichata mama chivopac lechellahuantac yanunguichu» nirca.

JEREMÍAS 2:3

Israelcunaca ñucapaclla chicanyachishca punta pucushca grano shinami carca. Paicunata tucuchiccunataca yallitami llaquichic carcani” ninmi ningui» nirca.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

EZEQUIEL 44:30

Shinallatac tucui punta pucushca granopish, ñucaman cushcacunapish paicunapacmi canga. Cancunapac huasicunapi ñuca bendiciachunca, alli harina masashcatami paicunaman cuna canguichic.

EZEQUIEL 48:14

Chai allpaca Mandac Diospaclla chicanyachishca, tucuimanta alli allpami. Chaimantami catunatapish, cambianatapish, shucman cunatapish mana pudinga.

LEVÍTICO 2:12

Punta pucushca grano ofrendataca levadurahuan, abeja mishquihuanpish cui pudinmi. Shina cashpapish chaicunataca Mandac Diosman mishquilla ashnachunca, mana altar jahuapi churanachu can.

LEVÍTICO 2:14

Punta pucushca grano ofrendata cushpaca, pucushca trigo umatapish, llullu espiga cutashcatapish ninapi camchashpami cuna can.

ROMANOS 11:16

Punta ruhuashca tanda Diospaclla cacpica, tucui chapumi Diospac canga. Shuc yura sapi Diospaclla cacpica, tucui ramacunami Diospac canga.

ROMANOS 16:5

Shinallatac paicunapac huasipi tandanacuc criccunatapish saludanguichic. Ñucahuan mai apanacuc Epenetotapish saludanguichic. Paimi Asia llactapica Jesucristota punta cric carca.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

1 CORINTIOS 15:20

Ashtahuanpish Cristo huañushcacunapuramanta causarishpaca, (criccunapac causarina callari shinami tucurca.)

1 CORINTIOS 15:23

Ima shina causarina cashca shinami, ñaupaca Cristorac causarirca. Quipaca, Cristota criccunami pai cutimui punzhapi causaringa.

1 CORINTIOS 16:2

Ñuca chayac rato mana tandacungapacca, cada semana callari punzhapimi, tucui mashna asha ofrendata tandachishpa charicuna canguichic.

DEUTERONOMIO 16:10

Mandac Diosman Pentecostés fiestata ruhuanguichic. Chaipacca Mandac Dios bendiciashca shinami quiquin munaihuan ofrendataca apamuna canguichic.

DEUTERONOMIO 18:4

Punta pucushca granotapish, mushuc vinotapish, aceitetapish, punta rutushca oveja millmatapish cunguichic.

DEUTERONOMIO 26:1

Mandac Dios cushca llactaman yaicushpa, chaipi causacushpaca,

DEUTERONOMIO 26:3

Chaita, chai punzhapi servicuc curaman cushpaca: “Cunanmi Mandac Dios ñucanchic ñaupa taitacunaman cungapac ari nishca llactapi causacunchic” ninguichic.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.