DEUTERONOMIO 26:18 - Dios Rimashcata Quillcashcami

¹⁸ Mandac Dios pai munashca shina, cancunata rimashpaca: “Ñucapaclla acllashcami canguichic” nishcami. Tucui pai mandashcacunata cazuchunmi chashna acllashca.

DEUTERONOMIO 26:18 ပူးပေါင်းရင်းမြစ်များ

2 SAMUEL 7:24

Can acllashca israelcunataca huiñaita cambaclla causachunmi churashcangui. Mandac Dios chashna ruhuashpami, paicunapac Dios tucurcangui.

SALMOS 119:6

Can mandashcacunata tucui pactachishpaca, mana pingaichishcachu casha.

SALMOS 135:4

Mandac Diosmi Jacobotaca acllarca. Israelcunatapish paimi paipaclla cachun chicanyachirca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

LEVÍTICO 20:26

Ñucaca cancunata Mandac jucha illac Diosmi cani. Chaimanta cancunapish, jucha illac caichic. Cancunataca ñucapaclla cachunmi shuctac llacta gentecunamanta chicanyachircani.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

ROMANOS 16:26

Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

DEUTERONOMIO 14:2

Cancunaca, Mandac Diospac acllashca, jucha illac gentecunami canguichic. Mandac Diosca chican gente cachunmi tucui cai pachapi causaccunamanta acllarca.

DEUTERONOMIO 27:10

Mandac Dios tucui nishcata cazunguichic. Tucui pai mandashcacunatapish, pactachinacunatapish cazunguichic» nirca.

DEUTERONOMIO 28:1

Cunan ñuca huillashca mandashcacunata pactachingapac Mandac Dios tucui rimashcata uyacpica, paica cancunataca tucui llactacunamanta yalli ashtahuan jatun llactatami ruhuanga.

DEUTERONOMIO 28:9

Tucui mandashcacunata cancuna cazucpica, Mandac Diosca pai nishca shinami paipacllata ruhuashpa, jucha illacta ruhuanga.

DEUTERONOMIO 29:13

Cancunapac ñaupa taita Abrahamman, Isaacman, Jacoboman ari nishca shinami cancunaca Dios acllashca cangapac, cutin Mandac Diosca cancunapac Dios cachun caipi canguichic.

DEUTERONOMIO 4:20

Mandac Diosca cancunataca Egipto llactapi fierrota nuyuchina hornopi shina causacucpimi llucchimurca. Cunan punzha shina, paipaclla acllashca cachunmi llucchimurca.

DEUTERONOMIO 7:6

Cancunaca Mandac Diospaclla chicanyachishcami canguichic. Mandac Diosca tucui cai pachapi causaccunamanta ashtahuan alli gentecuna cachunmi acllarca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.