DEUTERONOMIO 26:17 - Dios Rimashcata Quillcashcami

¹⁷ Cunanmi cancunallatac tucuipac ñaupapi: “Mandac Diosca ñucanchic Diosmi” nishcanguichic. Shinashpaca pai munashca shina causashpa, mandashcacunatapish, pactachinacunapish cazushpa, pai ima nishcata uyanguichic.

DEUTERONOMIO 26:17 ပူးပေါင်းရင်းမြစ်များ

GÉNESIS 28:21

Can ñuca taitapac huasiman ima llaqui mana tucushcata cutichimushpaca, ñucata Mandac Diosmi cangui.

2 CRÓNICAS 34:31

Jatun mandacca pai shayarinallapitac shayarishpami, Mandac Diosta catingapac, pai mandashcacunata cazungapac, pai yachachishcacunata, rimashpa quillcashcacunata cazungapac, Dios nishca libropi tucui ima nicushcata tucui shunguhuan, tucui almahuan pactachingapac Diospac ñaupapi ari nirca.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ÉXODO 19:8

Shina huillacpimi, tucui israelcunaca: —¡Mandac Dios tucui nishcataca pactachishunllami!— nirca. Israelcunapac nishcacunataca Moisesca Mandac Diosmanmi huillarca.

ÉXODO 20:19

Shina cacpimi Moisestaca: —Canlla parlailla. Ñucanchicca uyashunllami. Mandac Diosca ama ashtahuan rimachun. Pai rimacpica, huañushunmi— nirca.

ÉXODO 24:7

Chaimantaca Mandac Dios-huan ari nishca librota japishpami, tucui israelcunaman rezashpa uyachirca. Chaita uyashpami paicunaca: —Mandac Dios tucui nishcacunata cazushpa pactachishunllami— nirca.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 44:5

Maijanca: “Ñucaca Mandac Diospacmi cani” ningami. Maijanca: “Jacobopac huahuacunami cani” ningami. Maijanca: “Mandac Diospacllami cani” nishpami, paipac maquipi quillcanga. Paipac shutita yapachishpaca: “Israel” nishpami quillcanga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

HECHOS 27:23

Cunan tutami ñuca alli nina Diospac ángel ñucahuan carca.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

2 CORINTIOS 8:5

Paicuna cushpaca, mana ñucanchic yuyacushca shinachu curcacuna, ashtahuanpish paicunallatacmi puntaca Apunchic Jesucristoman curishpa quipaca Dios munashca shinami, ñucanchicpacta ruhuanatapish munarcacuna.

DEUTERONOMIO 13:18

Mandac Dios rimashcata uyashpa, cunan ñuca yachachishca mandashcacunata cazunguichic. Chashnami Mandac Diospac ñaupapi cashcata ruhuanguichic.

DEUTERONOMIO 15:5

Cunan ñuca mandashcata cancuna pactachingapac Mandac Dios rimashcata allita uyacpica,

DEUTERONOMIO 27:10

Mandac Dios tucui nishcata cazunguichic. Tucui pai mandashcacunatapish, pactachinacunatapish cazunguichic» nirca.

DEUTERONOMIO 29:12

Mandac Dios cancunahuan ari nishcata chasquishpa, chai ari nishcata pactachingapacmi caipi canguichic.

DEUTERONOMIO 30:16

Mandac Diosta cuyachunmi chashnaca churani. Cunan ñuca huillashca mandashcacunatapish, pactachinacunatapish, yachachishcacunatapish cazunguichic. Chashna ruhuashpaca, huahuacunatapish achcata charishpami causanguichic. Mandac Diosca cancuna japishca llactapica tucui imapipish bendiciangami.

JOSUÉ 22:5

Cancunaca Mandac Diosta servic Moisés mandashcata yuyarashpa pactachinguichic. Moisés mandashpaca: “Cancunata Mandac Diosta cuyanguichic, Dios munashca shina causashpa, paillatac catiranguichic. Shinallatac tucui shunguhuan, tucui almahuan servishpa causanguichic” nishcami» nirca.

JOSUÉ 24:22

Shina nicpimi, Josueca israelcunataca: —Mandac Diosta servinataca cancunallatacmi acllarcanguichic. Chaita mana pactachishpa, llaqui tucunatapish cancunallatacmi yachanguichic— nirca. Shina nicpimi israelcunaca: —¡Ari, ñucanchicllatac yachanchicmi!— nircacuna.