DEUTERONOMIO 26:12 - Dios Rimashcata Quillcashcami

¹² Cada quimsa huatami chungamanta shucta cuna huata. Chaicunata cushca quipaca levitacunaman, carumanta shamushcacunaman, taita mama illaccunaman, viudacunaman cunguichic. Chashna cucpimi, cancunapac llactapi causaccunaca huicsa pactata micunga.

DEUTERONOMIO 26:12 ပူးပေါင်းရင်းမြစ်များ

GÉNESIS 47:24

Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

GÉNESIS 47:26

Chashnami Joseca tucui Egipto llactapi pucushca granotaca chunga tulumanta ishcaita Faraonman cuchun mandashpa saquirca. Chai mandashcacunaca cunan punzhacamanmi tiyan. Shina cacpipish, curacunapac allpaca mana Faraonpac tucurcachu.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

LEVÍTICO 27:30

Chagrapi pucushca granopish, yurapi pucushcapish chungamanta shucca Mandac Dios ñucapacmi. Chaica ñucapaclla chicanyachishcami can.

NÚMEROS 18:24

Paicunamanca israelcuna chungamanta shucta ñucaman alzashpa cushcatami curcani. Chaimantami israelpurapica paicunaca allpata mana japinga» nirca.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

HEBREOS 7:5

Moisés mandashcapish nishca shina, Levipac huahua huahuapuracunami curacuna cashpaca, israelcuna chungamanta shucta cushcata japicmi carca. Chashnami Abrahampac huahua huahuacuna cashpapish ruhuac carca.

HEBREOS 7:9

Chungamanta shucta chasquic Leví curacunapish, Abraham Melquisedecman cuc shinami cuncuna.