DEUTERONOMIO 24:2 - Dios Rimashcata Quillcashcami

² Chashna huasimanta cachacpica, huarmica shuctac carihuan cazarai pudinmi.

DEUTERONOMIO 24:2 ပူးပေါင်းရင်းမြစ်များ

EZEQUIEL 44:22

Curacunaca viuda huarmihuanpish, cusa shitashca huarmihuanpish ama cazarachun. Ashtahuanpish israelcunapuramanta carihuan manarac chayarishca solterahuan, mana cashpaca curapac huarmi cana viuda huarmihuan cazarachun.

LEVÍTICO 21:14

Viudahuanpish, cusamanta raquirishca huarmihuanpish, maijan japirishca huarmihuanpish, cullquimanta huainayac huarmihuanpish mana cazaranachu, ashtahuanpish quiquin llactamanta cac, carihuan manarac chayarishca solterahuanmi cazarana can.

LEVÍTICO 21:7

Paicunaca ñucapaclla curacunami. Chaimanta cullquimanta huainayac huarmihuanpish, cusamanta raquirishca huarmihuanpish, shuc cari chayarishca solterahuanpish mana cazaranachu can.

LEVÍTICO 22:13

Chai curapac ushi viuda, mana cashpaca cusamanta raquirishca mana huahuayuc cashpa, taitapac huasipi causacushpaca, taita micunata micui pudinmi. Maijan mana ricsishcaca mana micui pudinchu.

NÚMEROS 30:9

Maijan viuda huarmi, mana cashpaca cusa shitashca huarmi ñucapacta ruhuangapac ari nishcataca pactachinatacmi can.

SAN MATEO 5:32

Ashtahuanpish ñucaca cashnami nini: Maijan caripish paipac huarmi manapish shuc-huan cacta yachashpa raquiricpica, chai huarmica paimantami shuc-huan huainayanacushpa juchallin. Shinallatac maijanpish chai raquirishca huarmihuan cazarashpaca, juchallinmi.

MARCOS 10:11

Chaimantami Jesusca: —Maijanpish paipac huarmimanta raquirishpa shuc-huan cazarashpaca juchallinmi.

1 CORINTIOS 7:15

Ashtahuanpish cari cashpa, huarmi cashpa, mana cric cashcamanta shitasha nishpaca, shitachunlla. Chaica, cric huauquipish, cric panipish mana llaquilla causanachu can. Diosca ñucanchictaca cushilla causachunmi cayarca.

DEUTERONOMIO 24:1

Maijan cari shuc huarmihuan cazarashpa, chai huarmipi ima mana allita ricushpa, mana ricunayachishpaca, raquirishca quillcata paiman cushpa, huasimanta cachanallami.

DEUTERONOMIO 24:3

Chai cusapish manallatac ricunayachishpa raquirishca quillcata huarmiman cushpa, huasimanta cachacpi, mana cashpaca cusa huañucpica,