DEUTERONOMIO 24:15 - Dios Rimashcata Quillcashcami

¹⁵ Trabajac runamanca manarac inti tigracpi, chai punzhallatac paganguichic. Paica huacchami, chai pagana cullquillatami charin. Chashna pagacpica, cancunata Mandac Dios llaquichichun mana mañangachu. Shina mana mañacpica, juchayucchu tucunguichic.

DEUTERONOMIO 24:15 ပူးပေါင်းရင်းမြစ်များ

JOB 31:13

Ñucata servic carihuan, huarmihuan piñarishpa, paicuna japina cashcata mana cushca cashpaca.

JOB 31:38

Ñuca allpacuna ñucata piñashpa caparishca cacpi, chaipi tiyac huachucuna huacashca cacpi,

JOB 34:28

Chashna ruhuacpimi huacchacunapish, llaquihuan caccunapish llaquirishpa Diospac ñaupaman uyaricta caparirca.

JOB 35:9

Runacunallatac huatashca shina charicucpimi caparincuna. Sinchi runacuna llaquichicpimi, caparishpa huacancuna.

JOB 7:2

Servic runaca samarisha nishpami shungu llaquirin. Trabajac runaca samaringapacmi cullquita shuyan.

SALMOS 24:4

Chuya maquicuna shungupi ima mapa illaccuna, ruhuashcalla dioscunata mana adoraccuna, ari nishcata pactachiccunami chaimanca yaicunga.

SALMOS 25:1

Mandac Dioslla, tucui almahuanmi mañacuni.

SALMOS 86:4

Jatun Dioslla, punzhantami canta mañacunilla. Canta servic ñucata cushichiyari.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

JEREMÍAS 22:13

¡Aij, shuhuashpa, sumac huasita ruhuac runalla! ¡Paica paipac ricsishca runata yanga trabajachishpami, imata mana pagan!

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN MATEO 20:8

Ña tutayamucucpi, amo mayordomota cayashpaca: “Pallaccunata cayashpa, quipata yaicuccunamanpish, punta yaicuccunacamanpish mashnata pagana cashcata pagai” nirca.

MARCOS 10:19

Mandashcacunataca canllatac yachanguimi. Chaipica: “Ama huainayangui, ama huañuchingui, ama shuhuangui, ama llullangui, ama umangui, cambac taita mamata cuyangui” nicunmi— nirca.

DEUTERONOMIO 15:9

Cancunapac shungupica ama millai munaicunahuan: “Mañachishcata perdonana huata chayamucunmi” nishpa cancunapac huaccha huauquiman mana mañachingaraicu ama piña ñahuihuan ricunguichicchu. Chai huacchaca Mandac Diosta caparishpa mañangami. Chashna caparicpica, cancunami juchata aparinguichic.

1 TIMOTEO 5:18

Dios quillcachishcapica: «Trillac huagrataca pacta shimita huatanguiman» ninmi. Shinallatac: «Imata ruhuashcamantaca, japinata charinmi» ninmi.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.