DEUTERONOMIO 24:1 - Dios Rimashcata Quillcashcami

¹ Maijan cari shuc huarmihuan cazarashpa, chai huarmipi ima mana allita ricushpa, mana ricunayachishpaca, raquirishca quillcata paiman cushpa, huasimanta cachanallami.

DEUTERONOMIO 24:1 ပူးပေါင်းရင်းမြစ်များ

ÉXODO 21:10

Churi shuctac huarmihuan cazarashpapish punta huarmimanca micunatapish, churanatapishmi cuna can. Shinallatac quiquin huarmihuan shinami sueñuna can.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

MALAQUÍAS 2:16

Quiquin huarmita shitac runatapish, mana allita ruhuashpa paipac churanata mapayachic runatapish piñanimi. Cancunapac yuyaita cuidarichic, ama cancunapac huarmita shitaichicchu. Chaitaca Mandac Dios ñucami nini.

NÚMEROS 5:12

«Maijanpac huarmi cusata mana cazushpa, huainayashpa puricucpi,

NÚMEROS 5:28

Ashtahuanpish chai huarmi shuctac carihuan chayarishpa, mana mapayashca cacpica, ima mana tucushcachu nishcami canga. Shinallatac huahuatapish charingami.

SAN MATEO 1:19

Cazarangapac ari nishca Joseca cashcata ruhuac cashcamantami mana pimanpish yachachishpa, Mariataca pacalla saquisha nicurca.

SAN LUCAS 16:18

Maijanpish huarmimanta raquirishpa, shuc huarmihuan cazaracca huainayanmi. Maijanpish cusamanta raquirishca huarmihuan cazaracpish, huainayanllatacmi.

DEUTERONOMIO 21:15

Shuc runa ishcai huarmita charishpaca, shuctaca cuyangami, shuctaca piñangami. Chashna cuyashca huarmipish, piñashca huarmipish huahuata charingami. Piñashca huarmirac punta huahuata charicpica,

DEUTERONOMIO 22:13

Shuc runa solterahuan cazarashpa, chayarishca quipa mana ricunayachishpa,

DEUTERONOMIO 22:19

Llullashpa, Israel solterata llaquichishcamantami patsac cullquita chai solterapac taitaman pagashpa, huañuicaman paipac huarmi cachun chasquina can.

DEUTERONOMIO 22:29

chai japiric runami pichca chunga cullquita solterapac taitaman pagana can. Shinallatac chai solterataca paipac huarmi cachunmi chasquina can. Chai solterata japirishcamantami tucui causaipi mana shitai pudin.

DEUTERONOMIO 24:2

Chashna huasimanta cachacpica, huarmica shuctac carihuan cazarai pudinmi.

DEUTERONOMIO 24:3

Chai cusapish manallatac ricunayachishpa raquirishca quillcata huarmiman cushpa, huasimanta cachacpi, mana cashpaca cusa huañucpica,