DEUTERONOMIO 23:9 - Dios Rimashcata Quillcashcami

⁹ Cancunata piñaccunahuan macanacungapac llucshishpaca, tucui mana allimanta cuidaringuichic.

DEUTERONOMIO 23:9 ပူးပေါင်းရင်းမြစ်များ

2 CRÓNICAS 19:4

Josafatca Jerusalenpimi causarca. Shina cashpapish, Beerseba pueblomantaca Efraín urcucaman rishpami, tucui chaipi causaccunata, paipac ñaupa taitacunata Mandac Diospacman cutirichic ningapac rirca.

2 CRÓNICAS 31:20

Ezequiasca tucui Judá llactapimi chashna ruhuarca. Paica, paita Mandac Diospac ñaupapica tucui shunguhuanmi mana pandarishpa allita ruhuashpa causarca.

ISAÍAS 56:3

Caru llacta runa Mandac Diosta catic cashpaca: «Mandac Diosca pai acllashcapuramantaca ñucataca chicanyachingami» ama nichun. Eunuco runapish: «Ñucaca chaquishca yura shinami cani» ama nichun.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

DEUTERONOMIO 23:10

Cancunamanta maijan tuta musparishpa mapayashpaca, campamentomanta llucshishpa, mana cutin yaicunachu can.

DEUTERONOMIO 23:8

Paicunaca quimsaniqui miraicamanmi Mandac Diospac tandanacuimanca mana yaicunga.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.