DEUTERONOMIO 23:8 - Dios Rimashcata Quillcashcami

⁸ Paicunaca quimsaniqui miraicamanmi Mandac Diospac tandanacuimanca mana yaicunga.

DEUTERONOMIO 23:8 ပူးပေါင်းရင်းမြစ်များ

GÉNESIS 25:25

Punta huacharic huahuaca puca millma carata churashca shina, millmayucmi carca. Paitaca Esautami shutichirca.

GÉNESIS 25:26

Chai quipaca Esaupac chaquipi charirashpami, paipac huauquica llucshirca. Paitaca Jacobotami shutichirca. Isaacca paipac huarmi sajuarina punzhapica, sucta chunga huatayucmi carca.

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

LEVÍTICO 19:34

Paicunataca cancunapura cashca shinallatac cancunapac llactapica cuyanguichic. Cancunaca Egipto llactapica pozashpallami causacurcanguichic. Chaimanta cancuna ima shinami cuyaringuichic, chashnallatac paicunatapish cuyanguichic. Ñucami Mandac Dios cani.

ABDÍAS 1:10

Cambac huauqui Jacobota ñacachishcamantami pingaichishpa, huiñaita chingachishca cangui.

DEUTERONOMIO 10:19

Cancunaca Egiptopica pozashcallami carcanguichic. Chaimantami shuctac llactamanta caccunataca cuyana canguichic.

DEUTERONOMIO 23:7

Edomitacunaca cancunapac huauquicunami, chaimanta paicunataca ama millanguichicchu. Cancunaca Egiptopica pozashpallami causarcanguichic. Chaimanta Egipto runacunatapish ama millanguichicchu.

DEUTERONOMIO 23:9

Cancunata piñaccunahuan macanacungapac llucshishpaca, tucui mana allimanta cuidaringuichic.

1 SAMUEL 30:11

Pambapi Egipto llactamanta shuc runata tarishpami Davidpacman pusharcacuna. Chai runamanca tandatapish micuchun yacutapish ubiachunmi curcacuna.