DEUTERONOMIO 23:2 - Dios Rimashcata Quillcashcami

² Huainayashpa charishca huahuapish Mandac Diospac tandanacuimanca mana yaicungachu. Paicunapac chunganiqui miranacuicamanmi Mandac Diospac tandanacuimanca mana yaicunga.

DEUTERONOMIO 23:2 ပူးပေါင်းရင်းမြစ်များ

ISAÍAS 56:3

Caru llacta runa Mandac Diosta catic cashpaca: «Mandac Diosca pai acllashcapuramantaca ñucataca chicanyachingami» ama nichun. Eunuco runapish: «Ñucaca chaquishca yura shinami cani» ama nichun.

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

LEVÍTICO 21:20

curcucunapish, uchilla runacunapish, ñahuipi yurac tiyarishca runacunapish, shicshi, mana cashpaca lepra ungüihuan cac runacunapish, ruru ungushca runacunapish ñucapacman mana cuchuyanachu can.

ZACARÍAS 9:6

Asdod llactapica shuctac llacta runacunami causanga. Chaipimi jatun tucushca filisteocunataca tucuchisha.

SAN JUAN 8:41

Cancunaca cancunapac taita ruhuashcatami ruhuanguichic— nirca. Shina nicpimi paicunaca: —¡Ñucanchicca mana huainapac huahuacunachu canchic, ashtahuanpish shuc taitallatami charinchic! ¡Chaica Diosmi!— nirca.

DEUTERONOMIO 23:1

Mandac Diospac tandanacuimanca ruru ungushca, mana cashpa capashcacunapish mana yaicungachu.

DEUTERONOMIO 23:3

Amonitacunapish, moabitacunapish Mandac Diospac tandanacuimanca mana yaicungachu. Paicunapac chunganiqui miraicunapish Mandac Diospac tandanacuimanca mana yaicungachu.

HEBREOS 12:8

Tucui paipac huahuacuna shina mana Dios llaquichishca cashpaca, mana paipac quiquin huahuacunachu canguichic.