DEUTERONOMIO 23:17 - Dios Rimashcata Quillcashcami

¹⁷ Israelcunapurapica cullquimanta huainayac huarmipish, caripurapica chayarinacuc caripish mana tiyanachu can.

DEUTERONOMIO 23:17 ပူးပေါင်းရင်းမြစ်များ

1 REYES 14:24

Chashnallatac allitami ruhuacunchic nishpami chai llactapi causac caricunaca huarmicunahuan sueñuc shinallatac caripura huaclliriccuna carca. Israelcunapac ñaupamanta Mandac Dios llucchishpa cachashca millai gentecuna ruhuashpa causashca shinallatacmi, paicunapish ruhuarca.

1 REYES 15:12

Paica allitami ruhuacunchic nishpa huaclliric caricunataca tucuitami chai llactamanta anchuchirca. Paipac ñaupa taitacuna ruhuashca yanga dioscunatapish tucuimi chingachirca.

1 REYES 22:46

Paimi paipac taita Asa mandacuc punzhacunapi saquirishca altarcunapi caripura huaclliric gentecunataca tucui tucuchirca.

2 REYES 23:7

Shinallatac Mandac Diospac huasipi tiyac yanga dioscunata mañashpa, huainayana ucutapish urmachircami. Chai ucupimi huarmicunaca Asera diosman carpa huasicunata ahuashpa causaccuna carca.

JOB 36:14

Paicunaca huambraracmi huañungacuna. Paicunapac causaica pinganayaipac tucushpami tucuringa.

PROVERBIOS 2:16

Shucpac huarmimanta cacharichingami. Mana ricsishca huarmicuna sumacta rimashpa, inquitacpipish cuidangami.

OSEAS 4:14

Can caricunallatacmi huainayac huarmicunahuan huainayanguichic. Chai huarmicunahuami animalta cushpa huañuchinguichic. Chaimantami cancunapac ushicunatapish, nueracunatapish chashna huainayashcamantaca mana llaquichisha. Chaimantami gentecunaca mana yachashcamanta pandaringa.

LEVÍTICO 19:29

Cambac ushi cullquimanta huainayachunpish ama saquinguichu. Chaica cancunapac llactaca huainayashpa causac, millai jundami tucunga.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

DEUTERONOMIO 22:21

paipac taitapac huasi punguman llucchishpami, chai llacta gentecuna rumihuan shitashpa huañuchina can. Chashna ruhuashpami cancunapac chaupimantaca juchata anchuchinguichic. Chai soltera paipac taitapac huasipi shuc-huan chayarishpami israelpurapi millaita ruhuashca.

DEUTERONOMIO 22:29

chai japiric runami pichca chunga cullquita solterapac taitaman pagana can. Shinallatac chai solterataca paipac huarmi cachunmi chasquina can. Chai solterata japirishcamantami tucui causaipi mana shitai pudin.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.