DEUTERONOMIO 22:24 - Dios Rimashcata Quillcashcami

²⁴ ishcaitatacmi chai llacta yaicunaman llucchishpa, rumihuan shitana canguichic. Chai solterataca llactapi japiricucpi, mana caparishcamanta, cutin runataca shuc-huan cazarangapac ari nishca solterata japirishcamantami chashna huañuchina can. Chashnami cancunapac chaupimanta juchata anchuchinguichic.

DEUTERONOMIO 22:24 ပူးပေါင်းရင်းမြစ်များ

GÉNESIS 29:21

Canchis huata tucucpica, Jacoboca Labantaca: —Raquelmanta trabajana huatacunaca ñami tucurin, cunanca paihuan cazarashpa causangapac cuilla— nirca.

JOB 31:11

Chai juchacunata ruhuashca cashpaca taripashpa llaquichishcami caiman carcani.

EZEQUIEL 16:38

Cantaca huainayac huarmicunata, huañuchiccunata ima shina llaquichinata mandashca shinami taripashpa llaquichisha. Cantaca ñucapaclla causachun munashpami, yallita piñarishpa llaquichisha.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

SAN MATEO 1:20

Pai chaita yuyacucpi, Dios cachashca ángel muscuipi ricurishpaca: «Davidpac huahua huahuapura José, Mariahuanca cazarailla, ama manchaichu. Mariaca Diospac Espiritumantami huicsayuc tucushca.

SAN MATEO 1:24

José riccharishpaca, Diospac ángel mandashca shinami Mariahuanca cazararca.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 17:7

Testigoracmi millaita ruhuac runataca rumihuan shitana can. Quipami chai llactapi causaccunaca rumihuan shitashpa huañuchina can. Chashnami cancunapac chaupimantaca millaita anchuchinguichic.

DEUTERONOMIO 21:14

Quipata paita mana munashpaca, paita richun saquinguilla. Paita prezushpa pingaichishcamanta ama cullquipi catunguichu, ama servic huarmita shina charinguichu.

DEUTERONOMIO 22:23

Carihuan manarac chayarishca, cazarangapac shuc carihuan ari nishca solterapi shuc runa chayaricucta japishpaca,

DEUTERONOMIO 22:25

Shuc carihuan cazarangapac ari nishca solterata campopi uyai mana uyai shuc runa japirishpaca, chai japiric runallami huañuna can.