DEUTERONOMIO 21:5 - Dios Rimashcata Quillcashcami

⁵ Chai quipaca Levipac churi curacunami cuchuyanga. Paicunatami Mandac Diosca servichun, paipac shutipi bendiciachun acllarca. Ima piñanacui, ima mana alli tiyacpica, paicuna imata nicpimi, imatapish ruhuanga.

DEUTERONOMIO 21:5 ပူးပေါင်းရင်းမြစ်များ

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

2 CRÓNICAS 19:10

Caishuc pueblopi causac cancunapac huauquicuna huañuchishca jahua, mana cashpaca mandashca, imata ruhuachun yachachishcacunata, mandashpa quillcachishcacunata mana cazushca jahua huillangapac shamucpica, cancunamanpish, cancunapac huauquicunamanpish Diospac rabia ama urmachunmi, Mandac Diosta llaquichishpa ama juchallichicchu nishpa allita rimana canguichic. Cashna cancuna ruhuashpaca, mana juchanchishcachu canguichic.

EZEQUIEL 42:13

Chai runaca ñucataca: «Jahua lado, ura lado canzha pambapi cac huasicunaca Diospacllami. Chai huasicunapimi Mandac Diospacman cuchuyac curacunaca Diospaclla chicanyachishca ofrendacunata micunga. Chaipimi juchacunamanta cushcacunatapish, pandarishcamanta cushca animalcunatapish huacaichinga. Chai ucucunaca Diospaclla chicanyachishcami canga.

EZEQUIEL 44:24

Piñanacuicuna tiyacpica, curacunami ñuca mandashca shina taripashpa allichina can. Tucui jatun fiesta punzhacunapica ñuca mandashca shina, ñuca imata ruhuachun nishca shinami ruhuana can. Chashnami samana punzhacunatapish ñucapaclla cachun chicanyachina can.

LEVÍTICO 9:22

Israelcuna paicunapac juchacunamanta Diosman cushcatapish, tucui rupachina animaltapish, Dios-huan alli tucungapac cushca animaltapish Diosman cushca quipami maquita alzashpa, israelcunata bendiciashpa, altar cuchumanta anchurirca.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

DEUTERONOMIO 18:5

Mandac Diosmi paicunatapish, paicunapac churicunatapish huiñaita paipac shutipi servichun tucui aillumanta acllarca.

DEUTERONOMIO 19:17

ishcaitacmi Mandac Diospac ñaupapi, chai punzhapi cac curacunapacman, juezcunapacman rina can.

DEUTERONOMIO 21:4

Chashnami jaicapi mana chaquic yacu tiyac, jaicapi mana yapushca, mana tarpushca huaicuman apashpa, vaquillapac cungata paquinga.