DEUTERONOMIO 21:22 - Dios Rimashcata Quillcashcami

²² Shuc runa huañuchina juchata ruhuashcamanta sachapi sipishpa huañuchishca cacpica,

DEUTERONOMIO 21:22 ပူးပေါင်းရင်းမြစ်များ

GÉNESIS 40:19

Quimsa punzha quipami jatun mandac Faraonca sipina yurapi huarcushpa huañuchinga. Chaipimi cambac aichataca volac animalcuna shamushpa micunga— nirca.

2 SAMUEL 21:10

Chaimantami Ajapac huarmi huahua Rizpaca cosecha callarinamanta tamya shamungacaman, shuc cilicio pañota rumi jahuapi tendirca. Chaipi tiyarishpami huañushcacunata punzhacunaca huairapi volashpa puric animalcuna, tutaca sacha animalcuna ama micuchun cuidacurca.

2 SAMUEL 21:6

Cunanca, paipac huahua huahuacunamanta canchis runacunata Mandac Dios acllashca Saulpac Gabaón pueblopi sipingapac cui— nirca. Shina nicpimi, jatun mandacca: —Chai runacunata cushallami— nirca.

2 SAMUEL 21:9

Paicunatami gabaonitacunamanca curca. Paicunaca urcupimi Mandac Diospac ñaupapi sipirca. Chaipimi tucui canchis runacunaca huañurca. Paicunataca cebada piti callari punzhacunapimi huañuchirca.

2 SAMUEL 4:12

Chashna nishpami, Davidca paita serviccunataca huañuchichun mandarca. Chashna huañuchishpami maquicunatapish, chaquicunatapish pitishpa Hebrón pueblo cuchupi tiyac yacuta huacaichina cuchupi huarcurca. Chai quipaca Is-bosetpac umataca Abnerta enterrashca Hebrón pueblollapitami enterrarca.

NÚMEROS 25:4

Mandac Diosca Moisestaca: «Tucui israelcunata pushaccunata tandachishpa, inti achicyachicuc horas ñuca ñaupapi tucuita sipishpa huañuchi. Chashna huañuchicpimi, israelcunamanta nina ruparic shina piñachishcataca pasachisha» nirca.

SAN MATEO 26:66

Cancunaca, ¿imatatac ninguichic?— nishpa tapurca. Shina nicpimi, chaipi caccunaca: —¡Juchallishcami, huañunami can!— nircacuna.

MARCOS 14:64

Chashna nishpaca Diostami piñachicushca. Chaitaca cancunallatacmi uyashcanguichic. Cunanca, ¿imatatac ninguichic?— nishpa tapurca. Shina tapucpica, tucuimi juchanchishpa, “¡huañunami can!” nircacuna.

SAN LUCAS 23:33

Calavera nishca urcuman chayashpaca, Jesusta chacatarcami. Ishcai millai runacunatapish, shuctaca alli maquiman, shuctaca lluqui maquimanmi chacatarca.

HECHOS 23:29

Paicunapac ñaupaman apashpa paita tapucpica, israelcunapac mandashcata mana cazushcallamanta juchanchicushcatami yachac chayarcani. Ñuca yuyaipica, paitaca imamanta mana huañuchinachu, carcelpipish mana churanachu can.

HECHOS 25:11

Huañuchishca canapac shina, ñuca ima millaita ruhuashca cacpica, huañuchichunlla. Paicuna juchanchicushca mana cierto cacpica, ñucataca pi mana paicunaman cungallachu. Ñucataca Cesarllatac taripachun— nirca.

HECHOS 25:25

Ñuca yuyaipica paica ima huañuchina juchata mana ruhuashcachu. Paillatac: “Roma llactata jatun mandac Augustopacman cachai” nicpimi, paipacman cachanata yuyarcani.

HECHOS 26:31

Chaimanta caruyashpa, paicunapura parlanacushpaca: —Paita huañuchichunca, ima mana allita mana ruhuashcachu. Carcel-llapipish mana canachu can— ninacurca.

DEUTERONOMIO 19:6

Chai miticuna llacta yalli caru cacpi, huañuchishcamanta piñarishpa paitapish huañuchingapac cati rishpa, pacta huañuchinman. Paica manapish piñanacushca cashpami huañuchirca. Chaimanta paitaca mana huañuchinachu can.

DEUTERONOMIO 22:26

Cutin solterataca mana imata ruhuanachu. Paica mana ima huañuna juchata ruhuashcachu. Paitaca shuhuangapac japishpa, huañuchic shinami ruhuashca.

JOSUÉ 10:26

Chai quipaca Josueca chai mandaccunata chugrichishpa huañuchishpami pichca yuracunapi huarcuchun mandarca. Chai yuracunapica amsacamanmi huarcushca carca.

JOSUÉ 10:27

Ña inti tigracucpimi, Josueca chai huañushcacunataca yuramanta uricuchishpa paicuna miticushca jutcullapitac shitachun mandarca. Chaipi shitashpami chai jutcu pungutaca jatun rumicunahuan taparca. Chai rumicunaca cunan punzhacamanmi tiyacun.

JOSUÉ 8:29

Cutin Hai pueblota jatun mandactaca tutayangacamanmi jatun yurapi huarcushpa saquirca. Ña tutayacpimi, Josueca chai huañushcata yuramanta uricuchishpa, Hai pueblo yaicunapi shitashpa, chai jahuapica rumicunata montonachun mandarca. Cunancamanmi chai montonca tiyan.

1 SAMUEL 26:16

Chashna mana cuidashpaca, mana allitami ruhuashcangui. ¡Mandac Diospac shutipimi nini: Cancunaca huañunatacmi canguichic! ¡Mandac Dios churashca cancunata jatun mandactami mana alli cuidashcanguichic! Cunanca ricui. ¿Jatun mandacpac uma ladopi tiyacushca lanzapish, jarropish maipitacyari?— nishpa tapurca.