DEUTERONOMIO 21:21 - Dios Rimashcata Quillcashcami

²¹ Chashna huillacpimi, chai llactapi tucui causaccuna rumihuan shitashpa huañuchinga. Chashnami cancunapac chaupimanta juchata anchuchinguichic. Chaita tucui israelcuna uyashpaca manchangami.

DEUTERONOMIO 21:21 ပူးပေါင်းရင်းမြစ်များ

2 SAMUEL 18:17

Chai quipaca, Absalonpac cuerpota japishpami, chai sachapi tiyac jutcupi shitashpa, chai jahuapica jatun rumi montonta ruhuarca. Chai quipaca, israelcunaca tucuimi quiquin carpa huasicunaman miticushpa callparca.

ÉXODO 21:17

Maijanpish quiquin taita mamata mana alli nicca huañunami can.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

LEVÍTICO 20:2

«Israelcunataca: “Maijan israelcunapish, shuctac llactamanta shamushpa Israelpi causac cashpapish paipac huahuata Moloc diosman cucpica, huañuchishcami canga.

LEVÍTICO 20:27

Cari cashpa, huarmi cashpa huañushcapac almahuan parlac, adivino tucucca, ishcaitac rumihuan shitashpa huañuchishcami canga. Paicunaca mana allita ruhuashcamantami huañuchishca canga” ninmi ningui» nirca.

LEVÍTICO 24:14

«Tucui camishpa rimashcata uyaccuna paipac uma jahuapi maquita churachun, chai runata carpa huasimanta canzhaman llucchi. Chai quipaca tucui israelcuna tandanacushpa, rumihuan shitashpa huañuchichun.

LEVÍTICO 24:16

Maijanpish Diospac shutita mana alli nishpa rimactaca Israel cacpipish, mana Israel cacpipish rumihuan shitashpa huañuchinami can.

NÚMEROS 15:25

Mana yachashpa juchallishcamantaca curami tucui israelcunapac juchacunata perdonachu ñucaman cunga. Chashna cucpica, perdonashcami canga. Paicunaca mana yachashcamanta juchallishcata perdonachunmi Mandac Dios ñucapac ñaupapi rupachinatapish, ofrendatapish apamunga.

NÚMEROS 15:35

Chashna cacpimi, Mandac Dios Moisesta rimashpaca: «Carpa huasimanta canzhaman llucchishpa, rumihuan shitashpa huañuchichic» nirca.

NÚMEROS 15:36

Chashna nicpimi, tandanacushca israelcunaca carpa huasimanta canzhaman apashpa, Mandac Dios Moisesta nishca shinallatac huañungacaman rumihuan shitarca.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

DEUTERONOMIO 13:12

Mandac Dios cushca llactacunamanta

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 13:6

Cancunapac huauqui, cancunapac churi, cancunapac ushi, cancunapac cuyashca huarmi, mana cashpaca, cancunapac mai ricsishca: “Canpish, cambac taitacunapish mana ricsishca shuctac dioscunata,

DEUTERONOMIO 17:5

carita, mana cashpaca huarmita llactamanta llucchishpa, llacta pungupi huañungacaman rumihuan shitanguichic. Chashna shitacpimi, chai mana allita ruhuacca huañunga.

DEUTERONOMIO 17:7

Testigoracmi millaita ruhuac runataca rumihuan shitana can. Quipami chai llactapi causaccunaca rumihuan shitashpa huañuchina can. Chashnami cancunapac chaupimantaca millaita anchuchinguichic.

DEUTERONOMIO 21:20

Chashna apashpami, chai llactata pushac yuyaccunamanca: “Cai ñucanchic churica mana cazuc, sinchi shungumi. Ñucanchic nishcatapish mana cazushpami, paipac munashcata ruhuashcata ruhuashpa, machashpa purin” nishpa huillanga.

DEUTERONOMIO 22:21

paipac taitapac huasi punguman llucchishpami, chai llacta gentecuna rumihuan shitashpa huañuchina can. Chashna ruhuashpami cancunapac chaupimantaca juchata anchuchinguichic. Chai soltera paipac taitapac huasipi shuc-huan chayarishpami israelpurapi millaita ruhuashca.

DEUTERONOMIO 22:24

ishcaitatacmi chai llacta yaicunaman llucchishpa, rumihuan shitana canguichic. Chai solterataca llactapi japiricucpi, mana caparishcamanta, cutin runataca shuc-huan cazarangapac ari nishca solterata japirishcamantami chashna huañuchina can. Chashnami cancunapac chaupimanta juchata anchuchinguichic.