DEUTERONOMIO 20:6 - Dios Rimashcata Quillcashcami

⁶ ¿Maijantac uvas chagrata tarpushpa, manarac cosechanguichic? Chashna cashpaca huasiman cutichiclla. Pacta macanacuipi huañucpi, shuctac runa chai chagrata cosechashpa cushicunman.

DEUTERONOMIO 20:6 ပူးပေါင်းရင်းမြစ်များ

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

JEREMÍAS 31:5

Cutinllatacmi Samaria urcupica uvasta tarpungui. Uvasta tarpushpaca, pucuchishpa cushicunguimi.

SOFONÍAS 1:13

Chaimantami paicunapac charishcacunatapish shuhuashpa, huasicunatapish llaquinayaitami tucuchinga. Huasicunata shayachishpapish, mana causangacunachu. Uvasta tarpushpapish, vinota mana ubiangacunachu» ninmi.

1 CORINTIOS 9:7

¿Pitac quiquin cullquihuan soldado tucun? ¿Pitac manapish micungapac uvasta tarpunga? ¿Pitac ovejata michishpapish lecheta mana ubian?

DEUTERONOMIO 20:5

Quipa mandaccuna tucui israelcunata rimashpaca: “¿Maijantac huasita shayachishpa, manarac chai huasipi causanguichic? Cutishpa chai huasipi causagrichic. Pacta macanacuipi huañucpi, shuc runarac chai mushuc huasipi causanman.

DEUTERONOMIO 20:7

¿Maijantac shuc huarmihuan cazarangapac ari nishpa shamurcanguichic? Chashna cashpaca, huasiman cutichiclla. Pacta macanacuipi huañucpi, shuctac runa cazaranman” nirca.