DEUTERONOMIO 20:19 - Dios Rimashcata Quillcashcami

¹⁹ Maijan llactapi causaccunahuan macanacushpa, chai llactata quichungapac tauca punzhacunata chai llacta muyushpa tiyacushpaca, ama yuracunata pitinguichicchu. Chai yuracunamantami micunguichic. Chai yuracunaca mana runacuna shina piñashpa cancunata muyunacushpa macangapac shamungachu. Chaimanta ama tucui pitinguichicchu.

DEUTERONOMIO 20:19 ပူးပေါင်းရင်းမြစ်များ

2 REYES 3:19

Chaimantami jatun pircahuan muyundita jarcashca tucui pueblocunatapish, jatun pueblocunatapish tucui urmachishpa tucuchinguichic. Shinallatac tucui alli yuracunatapish pitishpami shitanguichic. Yacu llucshic junducunatapish tucuitami tapanguichic. Tarpuna allpacunapica rumicunatami jundachinguichic” ninmi» nirca.

2 REYES 3:25

Pueblocunata llaquinayaita tucuchishpami, tarpuna allpacunapica rumicunata tucui jundachirca. Yacu llucshic junducunatapish tucuimi taparca. Alli yuracunatapish pitircami. Kir-hareset pueblollami mana ima tucushpa saquirirca. Shina cashpapish, huaracahuan macanacuccuna muyundita shayarishpami tucui tucuchirca.

JEREMÍAS 6:6

Tucuita Mandac Diosca: «¡Jerusalenta llaquichingapac yuracunata pitichic! ¡Allpata montonaichic! Tucui cai llactapica llaquichina yuyaillami tiyan. Chaimantami caipi causaccunaca llaquichishca canga.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

DEUTERONOMIO 20:18

Chashna ruhuacpimi, paicunapac dioscunata adorashpa millana juchacunataca cancunaman mana yachachinga. Cancuna chashna ruhuashpami, mana Mandac Diospac ñaupapi juchallinguichic.

DEUTERONOMIO 20:20

Ashtahuancarin maijan mana pucuc yuracunataca pitishpa, chai llactahuan macanacuna baluartecunata ruhuanguichiclla.

DEUTERONOMIO 26:6

Egipto runacunaca yallita servichishpami llaquichirca. Sinchitami trabajachirca.