DEUTERONOMIO 20:18 - Dios Rimashcata Quillcashcami

¹⁸ Chashna ruhuacpimi, paicunapac dioscunata adorashpa millana juchacunataca cancunaman mana yachachinga. Cancuna chashna ruhuashpami, mana Mandac Diospac ñaupapi juchallinguichic.

DEUTERONOMIO 20:18 ပူးပေါင်းရင်းမြစ်များ

2 REYES 21:3

Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

ÉXODO 23:32

Paicunahuanpish, paicunapac dioscunahuanpish imata ruhuangapac ama ari ninacunguichu.

ÉXODO 23:33

Cambac llactapi causachunpish ama saquinguichu. Paicunaca canta pandachishpa, ñucata piñachingami. Paicuna mitcachishpa pandachicpimi, canca yanga dioscunata servingui» nirca.

ÉXODO 34:12

Can maipi causangapac rigricushca llacta gentecunahuan ama ari ninacunguichu. Chaimanta cuidaringui. Chaica mitcachic shinami urmachinga.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

DEUTERONOMIO 18:19

Maijanpish pai ñuca shutipi huillashcata mana cazuctaca ñucami juchanchisha.

DEUTERONOMIO 18:9

Cancuna Mandac Dios cushca llactaman yaicushpaca, ama chai llactapi causaccuna shina, millaita ruhuashpa causanguichicchu.

DEUTERONOMIO 20:17

Mandac Dios mandashca shina, chai llactacunapi causac heteocunatapish, amorreocunatapish, cananeocunapish, ferezeocunatapish, heveocunatapish, jebuseocunatapish tucui tucuchinguichic.

DEUTERONOMIO 20:19

Maijan llactapi causaccunahuan macanacushpa, chai llactata quichungapac tauca punzhacunata chai llacta muyushpa tiyacushpaca, ama yuracunata pitinguichicchu. Chai yuracunamantami micunguichic. Chai yuracunaca mana runacuna shina piñashpa cancunata muyunacushpa macangapac shamungachu. Chaimanta ama tucui pitinguichicchu.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

JOSUÉ 23:13

cancunata Mandac Diosca chai llactapi causaccunataca cancunapac ñaupamanta mana ashtahuan llucchishpa cachanataca yachanami canguichic. Ashtahuanpish paicunaca cancunapacca tuclla shina mitcachic, cancunapac lomopi huactana angu shina, ñahuipi yaicushca casha shinami canga. Chashnami cancunata Mandac Dios cancunaman cushca sumac llactapi cancuna tucuringacaman chashna canga.

JUECES 2:3

Chaimanta ñucapish: “Cai gentecunataca cancunapac chaupimanta mana llucchishpa cachashachu. Ashtahuanpish paicunaca cancunata piñaccunami canga. Paicunapac dioscunapish cancunataca mitcachic shinami pandachinga” nircani» nirca.