DEUTERONOMIO 20:16 - Dios Rimashcata Quillcashcami

¹⁶ Mandac Dios cancunaman cushca llactacunapi tiyac llactacunapi causaccunataca shucllatapish ama saquishpa, tucui huañuchinguichic.

DEUTERONOMIO 20:16 ပူးပေါင်းရင်းမြစ်များ

NÚMEROS 21:35

Shina nicpimi, israelcunaca jatun mandac Ogta, paipac churicunandi, paipac gentecunandi shucllatapish mana saquishpa, tucui huañuchirca. Shina huañuchishpami paicunapac llactataca tucui japirca.

NÚMEROS 31:17

Cunanca, tucui cari huahuacunata, carihuan chayarinacushca huarmicunata huañuchichic.

NÚMEROS 33:52

chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

DEUTERONOMIO 20:15

Chashnami cancuna causacuc llactamanta carupi tiyac llactacunataca tucuchina canguichic.

DEUTERONOMIO 20:17

Mandac Dios mandashca shina, chai llactacunapi causac heteocunatapish, amorreocunatapish, cananeocunapish, ferezeocunatapish, heveocunatapish, jebuseocunatapish tucui tucuchinguichic.

DEUTERONOMIO 24:4

punta cusaca mana cutinllatac chai huarmihuan cazarai pudinchu. Chai huarmica mapayashcami can. Shina ruhuashpaca Mandac Diospac ñaupapi millanatami ruhuan. Mandac Dios cancunaman cushca llactataca juchata ruhuashpa, mana mapayachinachu canguichic.

DEUTERONOMIO 31:5

Mandac Dios chai llactapi causaccunata cancunapac maquipi churacpimi, cancunaca ñuca mandashca shina ruhuanguichic.

DEUTERONOMIO 4:21

Shina cacpipish, Mandac Diosca cancuna millaita ruhuashcamantami ñucahuan piñarishpa: “Jordán yacuta pasashpa, sumac llactamanca mana yaicunguichu” nirca.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

JOSUÉ 10:20

Josuehuan, israelcunahuan amorreocunata chugrichishpa achcata huañuchishpa tucui tucuchicpica, maijancunallami muyundita pircashca pueblopi miticushpa atirca.

JOSUÉ 10:28

Josueca chai punzhallatami Maceda pueblota japishpa, chaipi causaccunatapish, chai pueblota jatun mandactapish espadahuan chugrichishpa huañuchirca. Chai pueblopi causaccunata shucllatapish mana saquishpami tucui huañuchirca. Chashna huañuchishpami Maceda pueblota jatun mandactaca Jericó pueblota jatun mandacta shinallatacmi huañuchirca.

JOSUÉ 10:40

Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 11:14

Israelcunaca chai pueblocunapi tucui ima tiyashcacunatapish, animalcunatapishmi japirca. Ashtahuanpish chaipi causac gentecunataca shucllatapish, mana saquishpami espadahuan tucui huañuchirca.

JOSUÉ 6:24

Chai pueblotaca chaipi imalla tiyashcacunandi rupachishpa tucuchirca. Cullquita, curita shinallatac broncemanta, fierromanta ruhuashcacunatami Mandac Diospac alli valishcata huacaichina ucupi churarca.

JOSUÉ 8:25

Chai punzhapi huañushcacunata caricunatapish, huarmicunatapish yupacpica, chunga ishcai huarangami carca. Chai huañushcacunaca Hai pueblopi causaccunami carca.

JOSUÉ 8:8

Ña chai pueblota japishpaca, Mandac Dios mandashca shinallatac rupachinguichic. Riquichic, caicunataca ñucami mandani» nirca.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

JOSUÉ 9:7

Shina nicpimi, israelcunaca heveocunataca: —Cancunaca ñucanchic chaupillapitacmi causanguichic. Shina cacpica, ¿ima shinatac cancunahuanca ari ninacushunyari?— nirca.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.