DEUTERONOMIO 20:11 - Dios Rimashcata Quillcashcami

¹¹ Chai llactapi causaccuna cushi causaimanta parlashun nishpa llacta punguta pascacpica, chaipi tucui causaccunami cancunaman impuestota pagashpa, servishpa causanga.

DEUTERONOMIO 20:11 ပူးပေါင်းရင်းမြစ်များ

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

2 REYES 6:22

Shina nicpimi paica: —Ama huañuchichu. ¿Cambac espadahuan, cambac arcohuan macanacuita mishashpa prezu japimushcacunataca huañuchinguimanchu? Ashtahuanpish paicunapac amopacman cutichun, micuchun, ubiachun, tandata, yacuta cui— nirca.

SALMOS 120:7

Ñucaca cushilla causaitami munani. Ashtahuanpish ñuca parlai callaricpica, paicunaca huaicashpami llaquichincuna.

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

DEUTERONOMIO 20:10

Shuc llactapi macanacungapac chayashpaca cushi causaimanta parlashun ninguichic.

DEUTERONOMIO 20:12

Ashtahuanpish paicuna cushi causaimanta parlasha nishpa, macanacui callaricpica, tucui muyundi llactata muyushpa macanacunguichiclla.

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

JOSUÉ 9:27

Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

JOSUÉ 9:8

Shina nicpimi, paicunaca Josuetaca: —Ñucanchicca canta serviccunami canchic— nirca. Shina nicpimi Josueca: —Cancunaca, ¿picunatac canguichic? ¿Maimantatac shamunguichic?— nishpa tapurca.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.

JUECES 1:28

Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.