DEUTERONOMIO 2:9 - Dios Rimashcata Quillcashcami

⁹ Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.

DEUTERONOMIO 2:9 ပူးပေါင်းရင်းမြစ်များ

2 CRÓNICAS 20:10

Israelcuna Egiptomanta llucshimucpica, Amón llactapi causaccunapac, Moab llactapi causaccunapac, Seir llactapi causaccunapac llactacunata pasachunca, mana munarcanguichu. Ashtahuanpish paicunamanta caruta rishpa, paicunata ama tucuchichunmi mandarcangui.

SALMOS 83:8

Asiria llactapi causaccunapish paicunahuanmi tandanacushca. Tucui paicunami Lotpac huahuacunataca rigra shina ayudashcacuna.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

NÚMEROS 21:15

Jatun yacu tandarishpa ricuc ladopipish ayudarcami. Chai yacuca Ar llactata rishpami, Moab llacta linderopi samarin» nicun.

NÚMEROS 21:28

Hesbón llactamantaca ninami llucshirca. Jatun mandac Sehonpac llactamanta cunyacuc nina llucshishpami, Moab llactapi tiyac Ar llactata tucuchirca. Arnón yacu jahua ladopi causac mandaccunatapish tucuchircami.

NÚMEROS 22:4

Chaimantami Moabpi causaccunaca Madián llactata pushac yuyaccunata: «¡Cunanca, cai tucui gentecunaca huagracuna quihuata lambishpa micuc shinachari ñucanchictaca tucuchinga!» nirca. Chai punzhacunapica Moabpi causaccunataca Ziporpac churi Balacmi mandacurca.

DEUTERONOMIO 2:29

Seirpi causac Esaupac churicuna, Arpi causac moabitacuna ñanta mañachishca shinallatac pasachun saqui. Ñucanchicca Jordán jatun yacuta pasashpa, ñucanchicta Mandac Dios cushca llactamanmi chayanata munanchic” nirca.

DEUTERONOMIO 2:5

Paicunahuanca ama macanacunguichicchu. Paicunapac llactataca chaqui sarunallatapish cancunamanca mana cushachu. Seir urcutaca Esaumanmi curcani.

JUECES 11:15

Paicunataca: —Jefteca: “Israelcunaca moabitacunapac shinallatac amonitacunapac llactataca mana japishcachu.

JUECES 11:17

Chaipi israelcuna cashpami edomitacunata jatun mandacpacman huillaccunata cachashpaca: ‘Cambac llactata ñucanchicta pasachun saquiyari’ nichun cacharca. Shina cachacpipish mana pasachisha nircachu. Shinallatac moabitacunata jatun mandacpacmanpish cacharcami. Paipish mana uyarcachu. Chaimantami israelcunaca Cades pueblopi saquirirca.

JUECES 11:18

Quipaca shitashca pambata rishpami Edompac llactata, Moabpac llactata muyushpa inti llucshina ladota rishpa Arnón yacu cuchullapi carpata shayachishpa tiyarirca. Arnón yacu moabitacunapac llactapi cacpimi chai llactaman mana yaicushpa chaillapi tiyarirca.