DEUTERONOMIO 2:37 - Dios Rimashcata Quillcashcami

³⁷ Ashtahuanpish Amonpac churicunapac llactaman, Jaboc yacu patapi tiyac llactacunaman, urcupi tiyac llactacunamanmi mana chayarcanchic. Shinallatac Mandac Dios ama llaquichinguichicchu nishpa mandashca llactacunamanpish mana chayarcanchicchu.

DEUTERONOMIO 2:37 ပူးပေါင်းရင်းမြစ်များ

GÉNESIS 32:22

Chai tutallatacmi Jacoboca jatarishpa, paipac ishcai huarmita, ishcai servic huarmita, shinallatac chunga shuc churita apashpa, chai Jaboc yacuta pasarca.

NÚMEROS 21:24

Shina cacpipish, israelcunaca espadacunahuan macashpami, Arnón yacumanta, Amón llacta Jaboc jatun yacucaman rishpa, allpata japirca. Amón llacta linderoca alli jarcashcami carca.

DEUTERONOMIO 2:19

Amonpac churicunapac llactaman chayashpaca, ama paicunata piñachinguichicchu, ama macanacunguichicchu. Amonpac churicunapac llactataca cancunaman mana cushachu. Chai llactataca Lotpac churicunamanmi” nirca.

DEUTERONOMIO 2:5

Paicunahuanca ama macanacunguichicchu. Paicunapac llactataca chaqui sarunallatapish cancunamanca mana cushachu. Seir urcutaca Esaumanmi curcani.

DEUTERONOMIO 2:9

Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.

DEUTERONOMIO 3:16

Rubenpac ailluman, Galaad aillumanca Galaadmanta Arnón, Jaboc yacucunacamanmi curcani. Chai yacumi amonitacunapac linderoca.

JOSUÉ 12:2

Hesbón pueblopi causac amorreocunata jatun mandac Sehonca Arnón yacu patapi tiyac Aroer pueblomantaca, chaupi Galaad llactata catishpa Jaboc yacucamanmi mandacurca. Chai yacumi amonitacunapac llactahuan lindero carca.

JUECES 11:15

Paicunataca: —Jefteca: “Israelcunaca moabitacunapac shinallatac amonitacunapac llactataca mana japishcachu.

JUECES 11:22

Chashnami amorreocunapac llactataca, Arnón yacumanta Jaboc yacucaman, cutin quingraimanca inti llucshina lado shitashca pambamanta Jordán yacucaman tucui japirca.