DEUTERONOMIO 2:30 - Dios Rimashcata Quillcashcami

³⁰ Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 2:30 ပူးပေါင်းရင်းမြစ်များ

1 REYES 12:15

Jatun mandacca israelcuna mañashcataca mana uyarcachu. Mandac Diosca Nabatpac churi Jeroboamman Silo pueblopi causacuc Ahiasta huillashca pactachunmi chashna ruhuarca.

2 CRÓNICAS 10:15

Jatun mandacca israelcuna mañashcataca mana uyarcachu. Mandac Diosca Silo pueblopi causac Ahiasta Nabatpac churi Jeroboamman huillachishca pactachunmi paillatac chashna ruhuarca.

ÉXODO 11:10

Moisespish, Aaronpish Faraonpac ñaupapi mancharinacunatami ruhuashpa ricuchirca. Mandac Diosllatac Faraonpac shunguta sinchiyachicpimi, israelcunataca chai llactamanta mana cacharirca.

ÉXODO 4:21

Mandac Diosca Moisestaca: —Egiptoman cutishpa, Faraonpac ñaupapi tucui ñuca ruhuachun nishca ricuchinacunata ruhuashpa ricuchingui. Ashtahuanpish ñucaca paipac shunguta sinchiyachishami. Shina ruhuacpica, israelcunataca mana cacharingachu.

ÉXODO 7:14

Chaimantami Mandac Diosca Moisestaca: —Faraonca sinchi shungu tucushpami, israelcunataca mana cacharin.

ISAÍAS 48:4

Cancunapac shungu, barra fierro shina cashcatapish, frenteca bronce shina cashcata yachanimi.

LAMENTACIONES 3:65

Paicunapac shunguta rumiyachiyari. Paicunata llaquichiyari.

NÚMEROS 21:23

Jatun mandac Sehonca israelcunataca paipac llactata mana pasachircachu. Ashtahuanpish tucui gentecunata tandachishpami, Jahazman chayashpa, israelcunahuan macanacurca.

NÚMEROS 21:33

Chaimanta cutishpaca, Basán llactaman rina ñantami huichaiman rirca. Paicuna chaita ricucpimi, Basán llactata jatun mandac Ogca tucui paipac gentecunahuan Edreipi macanacungapac llucshirca.

NÚMEROS 21:34

Chaipimi Mandac Diosca Moisestaca: «Ama manchaichu. Ñucami chai jatun mandactaca paipac tucui gentecunandi, paipac tucui llactacunandi cambac maquipi churarcani. Canca paicunataca Hesbonpi causac amorreocunata jatun mandac Sehonta ruhuashca shinallatacmi ruhuangui» nirca.

DEUTERONOMIO 2:31

Mandac Diosca: “Riquichic, cunanmi mandac Sehontapish, paipac llactatapish cancunapac maquipi churani. Chai llactata japi callarichiclla” nirca.

JUECES 11:20

Shina mañacpipish Sehonca israelcunata mana crishpami, pasachinapac randica Jahaza pambapi soldadocunata tandachishpa israelcunahuan macanacurca.