DEUTERONOMIO 2:14 - Dios Rimashcata Quillcashcami

¹⁴ Cades-barneamanta rishpa, Zered yacuta pasangacamanca quimsa chunga pusac huatami tucurca. Chai huatacunapica Mandac Dios nishca shinallatacmi israelcunapac macanacuc runacunaca tucui huañurca.

DEUTERONOMIO 2:14 ပူးပေါင်းရင်းမြစ်များ

SALMOS 106:26

Chaimantami Mandac Diosca shitashca pambapi llaquichingapac maquita alzarca.

SALMOS 90:15

Ñucanchicca tauca huatacunatami llaquihuan cashcanchic. Chai huatacunapica mana allitami ricushcanchic. Chai tucui huatacunallatatac cushi causaita cuiyari.

SALMOS 90:3

Canca: «Huañuclla runacuna allpallamantac cutichic» nishpami allpallamantac cutichingui.

SALMOS 90:9

Can piñaricpica, ñucanchic causaica utcami tucurin. Ñucanchic causana huatacunaca samaita aisashpa, cacharic shinami chingarin.

SALMOS 95:11

Chashna yallimana piñarishpami ñuca samachina llactapica manatac yaicungacunachu nircani» nirca.

EZEQUIEL 20:15

Shinallatac shitashca pambapimi maquita alzashpa: Lechepish, mishquipish tiyac, tucui llactamanta yalli sumac llactamanca mana apashachu nishpa ari nircani.

NÚMEROS 1:1

Israelcuna Egipto llactamanta llucshishca ishcai huata, ishcai quilla, punta punzhapimi Sinaí shitashca pambapi, paihuan tupana huasipi Mandac Diosca Moisestaca:

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

NÚMEROS 32:11

“Egiptomanta llucshimuc ishcai chunga yalli huatayuc runacuna Abrahamman, Isaacman, Jacoboman cushami nishca llactamanca mana yaicungachu. Paicunallatac jahua shungulla ñucata caticushcamantami mana yaicunga.

1 CORINTIOS 10:5

Chashna cashpapish achcacunami Diospac ñaupapica mana alli carcacuna. Chaimantami chai shitashca pamballapitac huañurcacuna.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 1:2

Horeb urcumanta Seir urcuta rishpa, Cades-barneaman chayangapacca chunga shuc punzhatami purina carca.

DEUTERONOMIO 1:46

Chaimantami cancunaca Cadespica unaita causarcanguichic.

DEUTERONOMIO 2:13

Chaipimi Mandac Diosca: “Cunanca utcashpa Zered jatun yacuta pasaichic” nirca. Chashna nicpimi, Zered jatun yacuta pasarcanchic.

DEUTERONOMIO 2:16

Israelcunapuramanta macanacuc runacuna tucui huañucpimi,

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

JOSUÉ 24:7

Paicuna, Mandac Dios ñucata caparishpa mañacpimi, ñucaca cancunahuan Egipto runacunahuan chaupipi amsa puyuta churarcani. Chashna churashpa, paicunapac jahuapi mama cucha yacuta cachacpimi, paicunataca tucui ucuyachirca. Chashna ruhuashcataca cancunapac ñahuihuantacmi ricurcanguichic. Chai quipaca tauca huatacunatami shitashca pambapi carcanguichic.

JOSUÉ 5:4

Chaica, Egiptomanta llucshimushca macanacunata yachac caricunaca shitashca pambapimi tucui huañurca.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.

SAN JUDAS 1:5

Cancuna ña yachashca cacpipish, Mandac Diosca israelcunata Egipto llactamanta llucchishca quipa, Paita mana criccunata chingachishcatami yuyachisha nini.