DEUTERONOMIO 19:12 - Dios Rimashcata Quillcashcami

¹² cancunapac llactapi causac yuyaccunami chai pueblomanta llucchichun cachanga. Chashna llucchishpami paitapish huañuchichun huañucpac familiapac maquipi churanga.

DEUTERONOMIO 19:12 ပူးပေါင်းရင်းမြစ်များ

GÉNESIS 9:5

Causaita cuc yahuarmantaca huañuchishcami canga. Maijan huañuchictaca huañuchishcami canga. Maijan animal huañuchicpica, chaitapish huañuchishcami canga.

2 SAMUEL 14:7

Cunanca tucui familiacunami canta servic ñucataca piñai callarincuna. Ñucataca: “Paitapish chashnallatac huañuchingapac huauquita huañuchicta apamui. Pai imata japina cacpipish huañuchishunllami” nincuna. ¡Chashna ruhuashpaca shuc mecha japiricucta huañuchic shinami ñuca cusapac shutitapish, paipac huahua huahuacunatapish cai pachamanta chingachinata munancuna!— nirca.

ÉXODO 21:14

Maijanpish shuctac runata piñashpa, cungailla huañuchicca, ñuca altarmanta llucchishpa, huañuchishcami cana can.

DEUTERONOMIO 19:11

Maijanpish shuctac runata piñashpa, mana cashpaca huañuchishpa, chai chicanyachishca maijan llactaman miticungapac ricpica,

DEUTERONOMIO 19:13

Chai runataca ama llaquinguichicchu. Chashna ruhuacpimi, israelpurapica manapish faltayucpac yahuarta jichacca mana tiyanga. Shinallatac cancunapish allita causanguichic.

DEUTERONOMIO 27:24

Cutin: “¡Maijanta pacalla japishpa huañuchicca, llaqui tucushca cachun!” nicpica, tucui gentecunami: “¡Chashna cachun!” ninga.