DEUTERONOMIO 18:3 - Dios Rimashcata Quillcashcami

³ Curacunaca gentecuna Diosman cushpa rupachishca huagrata, mana cashpaca cari ovejatami japina can: Huasha aichata, quijada aichata, chunzhullitami japina can.

DEUTERONOMIO 18:3 ပူးပေါင်းရင်းမြစ်များ

ÉXODO 29:27

Aaronta, paipac churicunata ñucapaclla cachun chicanyachingapac cuyuchishpa cushca pecho aichata, alzashpa cushca rigra aichata chicanyachingui. Chai aichaca Aaronman, paipac churicunamanmi canga.

ÉXODO 29:28

Chaicunaca israelcuna alzashpa ñucaman cushcami. Chaimantami chai aichaca Aaronman, paipac churicunaman cuna can. Chaitaca huiñaita ruhuachunmi mandashca canga. Chaica israelcuna ñucahuan alli tucungapac alzashpa cushca aichami.

LEVÍTICO 22:7

Inti tigrashca quipami chuyanlla saquiringa. Chai quipaca ñucapaclla chicanyachishcata micui pudinmi. Chaica paipacmi.

NÚMEROS 18:11

Shinallatac israelcuna ñucaman alzashpa cushcacunapish, cuyuchishpa cushcacunapish canman, shinallatac cambac churicunaman, canhuan causac ushicunamanmi canga. Chaicunataca huiñaitami micui pudinguichic. Cambac huasipi causac ima mapa illaccunami micunga.

NÚMEROS 18:12

Israelcuna ñucaman cushca punta pucushca granopish, ashtahuan mushuc alli aceitepish, mushuc alli vinopish, alli granopish canmanmi canga.

DEUTERONOMIO 12:27

Tucui rupachinatapish, aichatapish, yahuartapish Mandac Diospac altarpi churanguichic. Chai huañuchishca animalpac yahuartaca Mandac Diospac altarpi tallinguichic. Chai quipami aichataca micui pudinguichic.