DEUTERONOMIO 18:22 - Dios Rimashcata Quillcashcami

²² Chai huillac Mandac Diospac shutipi huillashcapish mana pactacpi, pai nishca shina mana tucucpica, pai huillashcaca mana Mandac Dios huillachishcachu canga. Chai huillacca pai jatun tucungapacllami huillanga. Chaimanta paitaca ama manchanguichicchu.

DEUTERONOMIO 18:22 ပူးပေါင်းရင်းမြစ်များ

1 REYES 22:28

Shina nicpimi Micaiasca: —Mana ima tucushpa cushilla cutishpaca, ñucaman Mandac Dios mana huillachishcachu canga— nirca. Shinallatac: «¡Tucui gentecuna uyaichic!» nirca.

2 REYES 20:1

Chai punzhacunami Ezequiastaca huañuna ungüi japirca. Shina cacpimi Dios ima nishcata huillac Amozpac churi Isaías paipacman rishpaca: —Mandac Diosca: “Canca huañugringuimi, ña mana causanguichu. Chaimanta cambac huasi ucupurataca imata nina cashpapish utca ningui” ninmi— nirca.

PROVERBIOS 26:2

Zhutacuna atishpa ric shina, golondrina volac shinami, maldiciashcaca mana yanga shamun.

ISAÍAS 41:22

Quipa punzha ima tucunata huillangapac cuchuyaichicyari. Ñucanchic tucui shunguhuan uyangapac callari punzhacunapi ima tucushcata, achca huatacuna pasashca ima tucushcata huillaichicyari. Shamuc punzhacuna ima tucunata yachangapac huillaichicyari.

JONÁS 3:4

Jonasca llactata shuc punzhata purishpami: «¡Cunanmanta chuscu chunga punzhapica Nínive llactaca tucuringami!» nirca.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

DEUTERONOMIO 18:21

Cambac shungupica: “¿Ima shinatac Mandac Dios mana huillachishcataca yachashunyari?” ninguichicmi.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.