DEUTERONOMIO 18:2 - Dios Rimashcata Quillcashcami

² Paicunapac huauquicunahuan pacta mana allpata japingachu. Mandac Dios nishca shinami, paicuna japina allpa shinaca Mandac Dios canga.

DEUTERONOMIO 18:2 ပူးပေါင်းရင်းမြစ်များ

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

SALMOS 119:57

Mandac Dioslla, canllami ñucapac japinaca cangui. Can mandashcacunataca pactachishami nircanimi.

SALMOS 16:5

Mandac Dioslla, canmi ñucamanca imatapish cungui. ¡Ñuca causaica cambac maquipimi!

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

LAMENTACIONES 3:24

Chaimantami paipi shunguta churashpa shuyani. Ñucamanca Mandac Diosca tucuimantami yallimi.

EZEQUIEL 44:28

Curacuna japinaca ñucami cani. Israel llacta allpataca ama cunguichicchu. Ñucami paicuna causana allpa shinaca cani.

NÚMEROS 18:20

Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

JOSUÉ 13:14

Ashtahuanpish Levipac aillumanca mana allpata curcachu. Paicunaca Dios mandashca shina, israelcuna Mandac Diosman animalcunata cushpa huañuchishca aichatami japina carca.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.