DEUTERONOMIO 18:14 - Dios Rimashcata Quillcashcami

¹⁴ Cancuna japigricuc llactapi causaccunaca adivinaccunata uyaccuna, quipaman ima tucunata huillacta uyaccunami. Mandac Diosca mana chaita ruhuachun munanchu.

DEUTERONOMIO 18:14 ပူးပေါင်းရင်းမြစ်များ

GÉNESIS 20:6

Shina nicpimi, Mandac Diosca muscuipi ricurishpaca: «Ari, can alli shunguhuan chashna ruhuashcataca yachanimi. Chai huarmipi chayarishpa, ñuca mandashcata paquishpa, juchallichunpish cantaca mana saquircanichu.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

JEREMÍAS 27:9

Chaimanta huillaccunatapish, yachaccunatapish, muscuccunatapish, brujocunatapish, huañushcata cayaccunatapish ama cazunguichicchu. Paicunaca: Babilonia llactata jatun mandactaca mana servinachu canguichic ninmi.

DANIEL 2:27

Shina nicpimi, Danielca jatun mandactaca: —Pipish mana yachashcata can tapushcataca yachaccunapish, lucerota ricushpa yachacuccunapish, adivinocunapish mana huillai pudinchu.

MIQUEAS 5:12

Brujocunatapish anchuchishami. Cancunapurapica brujocunaca mana ashtahuan tiyangachu.

HECHOS 14:16

Paica ñaupaca tucui gentecuna quiquin munashca shina causachunmi saquirca.

DEUTERONOMIO 18:10

Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,