DEUTERONOMIO 18:10 - Dios Rimashcata Quillcashcami

¹⁰ Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,

DEUTERONOMIO 18:10 ပူးပေါင်းရင်းမြစ်များ

GÉNESIS 44:5

Ñuca amoca chai vasopimi ubiac carca. Chai vasoca adivinangapacpishmi carca. Chaita shuhuashpami, mana allita ruhuamushcanguichic” ningui— nirca.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

2 REYES 17:17

Paicunapac churicunatapish, ushicunatapish chai diosman cushpami ninapi rupachircacuna. Adivinocunapish, brujocunapish tucurcacunami. Mandac Diospac ñaupapica mana allita ruhuashpa causashpami, yallita paitaca piñachirca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 REYES 23:24

Josiasca Mandac Diospac huasipi Hilcías cura tarishca libropi quillcashcata pactachingapacmi huañushcata mañaccunata, adivinocunata huasipi cac dioscunata, Judá llactapi, Jerusalenpi imapish mapacuna tiyashcataca tucui anchuchirca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 CRÓNICAS 28:3

Ben-hinom pugru pambapipish inciensota rupachircami. Paica israelcunapac ñaupamanta llucchishpa cachashca millaita ruhuac gentecuna shinallatacmi, paipac churicunata chai dioscunaman rupachirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

ÉXODO 22:17

Solterapac taita mama cazarachun munacpica, carihuan manarac chayarishca solteramanta mashnata pagana cashcatami pagana can.

ÉXODO 22:18

Brujacuna huañunami can.

ISAÍAS 47:13

Canca shaicungacamanmi cunashcacunata uyashcangui. Cunanca, jahua cielota ricushpa yachaccuna, lucerocunata ricushpa yachaccuna, cada quilla can ima tucunata yachaccuna shayarishpa huillachun.

JEREMÍAS 27:10

Paicunaca cancunapac llactamanta ñuca cancunata llucchishpa cachashpa, huañuchichunmi chashna llullashpa huillan.

JEREMÍAS 27:9

Chaimanta huillaccunatapish, yachaccunatapish, muscuccunatapish, brujocunatapish, huañushcata cayaccunatapish ama cazunguichicchu. Paicunaca: Babilonia llactata jatun mandactaca mana servinachu canguichic ninmi.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

LEVÍTICO 19:26

Imatapish ama yahuarndi micunguichu. Brujo canatapish, adivino canatapish ama munanguichicchu.

LEVÍTICO 19:31

Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.

LEVÍTICO 20:6

Maijanpish brujocunata, adivinocunata catishpa huainayac runataca piñarishpami israelpuramanta anchuchisha.

MIQUEAS 5:12

Brujocunatapish anchuchishami. Cancunapurapica brujocunaca mana ashtahuan tiyangachu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

HECHOS 19:19

Shinallatac maijan brujocunapish brujianata yachachic librocunatami tucui gentecunapac ñaupapi rupachingapac apamurca. Chai tucui librocunaca pichca chunga huaranga dracma cullqui valicmi cashca carca.

HECHOS 8:9

Chai pueblopica, Simón shuti runami causarca. Paica ñaupaca brujomi carca. Chaimantami chai llactapi causaccunataca “alli runami cani” nishpa, umashpa, crichishpa causac carca.

GÁLATAS 5:20

ruhuashcalla dioscunata adoraccunami, brujocunami, pitapish mana allichu nishpa piñaccunami, macanacuccunami, celaccunami, imamantapish jahualla piñariccunami, piñanacuipi churaccunami, gentecunata chicanyachiccunami, ñucanchiclla cashun niccunami,

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

1 SAMUEL 28:3

Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.

1 SAMUEL 28:7

Chaimantami Saulca paita serviccunataca: —Ñuca tapungapac ringapac huañushcata mañac huarmita mashcagrichic— nirca. Shina nicpimi, paita serviccunaca: —Riqui, Endor pueblopimi huañushcata mañac shuc huarmi causan— nirca.

1 SAMUEL 28:8

Shina nicpimi, Saulca ama ricsichun shuctac churanata churarishpa, ishcai runacunata pushashpa, chai huarmipacman tuta rirca. Chaiman tuta chayashpaca: —Ñuca ima tucunata cambac espirituman tapushpa cui. Shinallatac ñuca maijanta huichai shamuchun nicpi, pushamuchun mañashpa cui— nirca.

1 SAMUEL 28:9

Shina nicpimi, chai huarmica: —Riqui, canca Saúl imata ruhuashcataca yachanguimi. Paimi huañushcata mañaccunatapish, adivinocunatapish cai Israel llactamanta llucchishpa cacharca. ¿Ima nishpatac ñucata huañuchichun pandachingapac shamungui?— nirca.