DEUTERONOMIO 18:1 - Dios Rimashcata Quillcashcami

¹ Leví aillu curacunaca mana israelcunahuan pacta allpata japingachu. Paicunaca Mandac Diosman cushpa rupachishcacunata, Diospaclla chicanyachishcacunatami micunga.

DEUTERONOMIO 18:1 ပူးပေါင်းရင်းမြစ်များ

JEREMÍAS 33:18

Shinallatac animalcunata, ofrendacunata, animalcunata punzhanta ñucaman cushpa huañuchingapacca curacunapish, levitacunapish jaicapi mana illangachu» ninmi.

EZEQUIEL 44:28

Curacuna japinaca ñucami cani. Israel llacta allpataca ama cunguichicchu. Ñucami paicuna causana allpa shinaca cani.

NÚMEROS 18:20

Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.

NÚMEROS 26:62

Tucui levitapuramanta caricunata shuc quillata charicmanta huichaiman yupashcaca ishcai chunga quimsa huarangami carca. Paicuna israelcuna shinallatac allpata mana japigricucpimi, mana israelcunahuan tandachishpa yupashca carca.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

DEUTERONOMIO 12:19

Cancunapac llactapi causacushpaca, levitacunata ama cungaringuichicchu.

JOSUÉ 13:14

Ashtahuanpish Levipac aillumanca mana allpata curcachu. Paicunaca Dios mandashca shina, israelcuna Mandac Diosman animalcunata cushpa huañuchishca aichatami japina carca.

JOSUÉ 13:33

Ashtahuanpish Moisesca Levipac aillumanca allpata mana curcachu. Paillatac nishca shinaca israelcunata Mandac Diosmi paicunapac japina shinaca.

JOSUÉ 18:7

Ashtahuanpish levitacunaca mana japingachu. Paicuna japinaca Mandac Diospaclla cura canami. Rubenpac, Gadpac aillucunapish, Manasespac chaupi aillupish Jordán yacumanta inti llucshina ladopi cac allpatami ña japirca. Chai allpataca Mandac Diosta servic Moisesmi curca— nirca.