DEUTERONOMIO 17:8 - Dios Rimashcata Quillcashcami

⁸ Maijan llaquicuna mana allipac tiyangami. Chaica huañuchinacui, quichunacui, macanacui, mana cashpaca shucta piñanacui tiyacpica, Mandac Dios acllashca pushtumanmi rina canguichic.

DEUTERONOMIO 17:8 ပူးပေါင်းရင်းမြစ်များ

2 SAMUEL 15:2

Absalonca utca jatarishpami, puebloman yaicuna ñanpi shuyagrirca. Chaipimi maijan piñanacushpa, ima llaquihuan cashpa jatun mandacta allichichun mañac shamuccunataca: «¿Maijan pueblomantatac canguichic?» nishpa tapuc carca. Shina tapucpimi maijancunaca «Canta servic ñucaca Israel aillupuramantami cani» nic carca.

1 CRÓNICAS 26:29

Izharpac huahua huahuamanta, israelcunapurapi imatapish canzhapi ricuccuna, shinallatac mandaccuna, juezcunaca, Quenanías paipac churicunandimi carca.

ÉXODO 18:15

Chashna nicpimi, Moisesca paipac suegrotaca: —Cai gentecunaca Diosman tapungapacmari ñucapacman shamun.

ÉXODO 18:26

Paicunami uchilla llaquicunataca punzhanta allichic carca. Cutin mana allichipac llaquicunatami Moisesman huillagric carca. Cutin uchilla llaquicunataca paicunallatacmi allichic carca.

ÉXODO 21:20

Maijan amo paita servic carita, servic huarmita caspihuan huactashpa, huañuchicca llaquichishcami canga.

ÉXODO 21:22

Caricuna macanacushpa, shuc huicsayuc huarmita chugrichishpa, shulluchishpaca huarmipac cusa mashna mañashcata, shinallatac juez nishcatami pagana can.

ÉXODO 21:28

Shuc huagra carita cashpa, huarmita cashpa, sacmashpa huañuchicpica, chai huagrataca rumihuan shitashpa huañuchinami can. Chai aichataca mana micunachu. Shina cacpipish, huagrayuctaca mana imata ruhuanachu.

ÉXODO 22:2

Maijan huasipi shuhuacucta japishpa, huañuchishpaca, mana juchanchishcachu canga.

ÉXODO 22:8

Ashtahuanpish shuhuac mana japi tucucpica, chai mingai tucuc runami, pai mana shuhuac cashcataca juezpacman huillagringa.

EZEQUIEL 44:24

Piñanacuicuna tiyacpica, curacunami ñuca mandashca shina taripashpa allichina can. Tucui jatun fiesta punzhacunapica ñuca mandashca shina, ñuca imata ruhuachun nishca shinami ruhuana can. Chashnami samana punzhacunatapish ñucapaclla cachun chicanyachina can.

HAGEO 2:11

Hageoca: «Tucuita Mandac Diosca: Curacunaman mandashcacunamanta tapushpaca:

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

NÚMEROS 35:11

manapish huañuchina munaihuan cashpa, maijanta huañuchishpa miticugrina llactata acllanguichic.

NÚMEROS 35:16

Maijanpish fierrohuan chugrishpa huañuchicca huañuchic runa nishcami canga. Paipish huañuchishcami canga.

DEUTERONOMIO 1:17

Pimanpish mana tucushpa, yangalla runa cacpipish, alli nishca runa cacpipish, cashcata ruhuashpa allichinguichic. Mandac Diosmi cancunata mandacun. Chaimanta ama manchanguichicchu. Maijan llaquicunata mana allichi pudishpaca, ñucaman huillanguichic. Ñucami paicuna ima nishcata uyashpa allichisha” nircani.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:14

Cancunapac aillupurapi Mandac Dios acllashca pushtupi rupachinguichic. Chaillapitac tucui ñuca mandashcatapish ruhuanguichic.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 19:17

ishcaitacmi Mandac Diospac ñaupapi, chai punzhapi cac curacunapacman, juezcunapacman rina can.

DEUTERONOMIO 19:4

Chai llactacunapimi maijan manapish piñashca cashpa, shuc runata huañuchishpaca miticugringa. Chaiman rishpami paipish mana huañuchishca canga.

DEUTERONOMIO 21:5

Chai quipaca Levipac churi curacunami cuchuyanga. Paicunatami Mandac Diosca servichun, paipac shutipi bendiciachun acllarca. Ima piñanacui, ima mana alli tiyacpica, paicuna imata nicpimi, imatapish ruhuanga.

DEUTERONOMIO 25:1

Maijan piñanacushpa, juezcunapacman ricpica, paicunaca taripashpami, cashcata ruhuac runataca cacharinga, cutin juchayuc runataca llaquichinga.