DEUTERONOMIO 17:18 - Dios Rimashcata Quillcashcami

¹⁸ Jatun mandac mandai callarishpaca, levita cura cuidacuc quillcashca libromantami copiata llucchina can.

DEUTERONOMIO 17:18 ပူးပေါင်းရင်းမြစ်များ

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

2 REYES 11:12

Chai quipami Joiada curaca jatun mandac Ocoziaspac churita pushamushpa, coronata churachishpa, Dios-huan ari— ninacushca quillcatapish curca. Chai quipa jatun mandac cachun aceitehuan cahuishpa maquita churashpaca: «¡Jatun mandac, causailla!» nishpa caparircacuna.

2 REYES 22:8

Shina nicpimi, curacunata mandac Hilcías curaca quillcac Safantaca: «Mandashcata quillcashca librotami Mandac Diospac huasipi tarircani» nirca. Shina nishpami chai librotaca Safanman curca. Pai japishpaca rezarcami.

2 CRÓNICAS 34:15

Chai librota tarishpami, Hilciasca quillcac Safantaca: —Ñucami Dios mandashpa quillcashca librota Mandac Diospac huasipi tarini— nirca. Hilciasca Safanmanmi chai librotaca curca.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.