DEUTERONOMIO 17:15 - Dios Rimashcata Quillcashcami

¹⁵ Mandac Dios acllashca runata churanguichic. Cancunapac huauquicunapuramanta shuc runata mandachunmi churanguichic. Shuctac llactamanta cac, mana cancunapac huauquicunapura runataca ama churanguichicchu.

DEUTERONOMIO 17:15 ပူးပေါင်းရင်းမြစ်များ

2 SAMUEL 5:1

Chai quipami tucui Israel aillucuna Hebrón pueblopi Davidpacman chayashpaca: «Ñucanchicca cambac aicha, cambac tullullatacmi canchic.

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

1 CRÓNICAS 12:23

Mandac Dios mandashca shinallatacmi David Hebrón pueblopi cacpi, Saúl mandanata Davidman cungapac Hebrón puebloman rircacuna. Caicunami soldadocunata mandac macanacungapac allichirishca soldadocunaca carca.

1 CRÓNICAS 22:10

Paimi ñucata alli nina huasitaca shayachinga. Paica ñuca churimi canga, ñucapish paipac taitami casha. Ñucami israelcunataca mandashpa, pai mandanataca huiñaita sinchi cachun ruhuasha” nirca.

1 CRÓNICAS 28:5

Mandac Diosca achca churicunatami ñucamanca cushca. Tucui cai ñuca churicunamantami ñuca churi Salomonta Mandac Diosca mandashpa tiyarinapi tiyarishpa, israelcunata mandachun churarca.

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 89:20

Ñucata servic Davidta japishpami, ñucapaclla cachun aceitehuan cahuircani.

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

SAN MATEO 22:17

Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

1 SAMUEL 10:24

Chaimantami Samuelca israelcunataca: —Mandac Dios acllashca runataca ñami ricunguichic. ¡Tucui israelpuramantaca pai shinaca shucllapish mana tiyan!— nirca. Shina nicpimi, israelcuna cushicushpaca: —¡Jatun mandacca causachunlla!— nishpa caparircacuna.

1 SAMUEL 16:3

Chaita rupachingapacca Isaitapish cayangui. Chaipimi can ima ruhuana cashcataca huillasha. Maijantami ñuca ricuchini, paita aceitehuan cahuingui— nirca.

1 SAMUEL 8:5

Chaipimi: —Riqui, canca ñami yuyac cangui, cambac churicunaca mana can shina mandacuncunachu. Chaimanta cunanca tucui llactacuna shinallatac ñucanchicpish juezta charingapac, jatun mandacta churaiyari— nirca.