DEUTERONOMIO 17:14 - Dios Rimashcata Quillcashcami

¹⁴ Mandac Dios cugricuc llactata japishpa, chaipi causacushpaca: “Muyundi llactacunapi causaccuna shina, ñucanchicpish jatun mandacta churanatami munanchic” ninguichicmi.

DEUTERONOMIO 17:14 ပူးပေါင်းရင်းမြစ်များ

LEVÍTICO 14:34

«Cancuna ña Canaán llactaman chayashpa, ñuca cushca llactapi causacucpi, maijanpac huasipi lepra ungüita ñuca churacpi, chai ungüi ricuricpica,

NÚMEROS 33:53

Chai allpapi causaccunataca tucuita llucchishpa cachashpa, chai llactapi cancuna causachunmi curcani.

DEUTERONOMIO 11:31

Mandac Dios cushca llactata japingapacmi Jordán yacuta pasagringuichic. Chai llactata japishpami, chaipi causanguichic.

DEUTERONOMIO 18:9

Cancuna Mandac Dios cushca llactaman yaicushpaca, ama chai llactapi causaccuna shina, millaita ruhuashpa causanguichicchu.

DEUTERONOMIO 26:1

Mandac Dios cushca llactaman yaicushpa, chaipi causacushpaca,

DEUTERONOMIO 26:9

Chashna caiman apamushpami lechepish, mishquipish yacu shina tiyac cai sumac llactata curca.

DEUTERONOMIO 7:1

Cancuna japina llactaman Mandac Dios pushacpica, cancunata yalli sinchi canchis llactacunamanta heteocunata, gergeseocunata, amorreocunata, cananeocunata, ferezeocunata, heveocunata, jebuseocunata llucchishpa cachanguichicmi.

JOSUÉ 1:13

—Mandac Diosta servic Moisés mandashcata yuyarichic. Pai mandashpaca: “Cancunata Mandac Diosca samachishcami, cai allpatapish cushcami.

JOSUÉ 21:43

Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.

1 SAMUEL 10:19

Shina cacpipish, cancunaca tucui llaquicunahuan llaquichishca causacushcamanta llucchic cancunapac Diostami llaquichircanguichic. Chashna cashpami ñucataca: “Ima cachunpish jatun mandacta churaiyari” nishcanguichic. Chashna cashcamanta cunanca tucui aillucunapish huaranga huarangapi tandanacushcacunapish Mandac Diospac ñaupaman shamuichicyari» nirca.

1 SAMUEL 10:25

Chai quipami Samuelca jatun mandac ima shina mandanata huillashpa, chai nishcacunata quillcashpa, Mandac Diospac huasi ucupi huacaichirca.

1 SAMUEL 12:19

Chaimantami tucui gentecuna Samueltaca: —¡Canta servic ñucanchic ama huañuchun canta Mandac Diosta mañaiyari! Ñucanchicca tucui juchacunata ruhuashca jahuami jatun mandacta munanchic nishpa ashtahuan mana allita ruhuashcanchic— nirca.

1 SAMUEL 16:3

Chaita rupachingapacca Isaitapish cayangui. Chaipimi can ima ruhuana cashcataca huillasha. Maijantami ñuca ricuchini, paita aceitehuan cahuingui— nirca.

1 SAMUEL 8:11

Paica: —Caita alli yuyarichic. Cancunata jatun mandacca cancunapac churicunata apashpami macanacuna carretacunapi, caballocunapi tiyachishpa paipac carretapac ñaupata richun churanga. Maijancunataca paicunata cuidac cachunmi churanga.