DEUTERONOMIO 17:12 - Dios Rimashcata Quillcashcami

¹² Mandac Diosta servic curatapish, jueztapish maijan mana cazushpa, quiquin munashcata ruhuacpica, chai runataca huañuchinami canguichic. Chashnami israelpuramanta millaita anchuchinguichic.

DEUTERONOMIO 17:12 ပူးပေါင်းရင်းမြစ်များ

ESDRAS 10:8

Mandaccuna, pushaccuna nishca shina quimsa punzhacaman mana tandanacucpica, paipac tucui allpacunata quichuchun, shinallatac prezumanta cutimushcapura tandanacuimanta llucchishpa cachachun nishpami huillachirca.

SALMOS 19:13

Shinallatac canta servic ñucataca jatun tucuna yuyaimanta cuidangui. Chai yuyai shamushpa, ñucata mishachunca ama saquinguichu. Chashna cuidacpimi, ima pandata mana ruhuasha. Shinallatac canta mana cazushpa mana juchallisha.

PROVERBIOS 21:11

Burlashpa asic runata llaquichicpica, yuyaita mana charicpish, yuyaisapami tucunga. Yuyaisapa runata cunacpicarin, ashtahuan yachaisapami tucun.

OSEAS 4:4

Mandac Diosca: «¡Curacunalla, cancunatami juchanchini! Chaimanta ama caishuc chaishuc juchanchinacuichicchu.

ZACARÍAS 3:7

«Tucuita Mandac Diosca: “Ñuca yachachishca shina causashpa, mandashcacunatapish punzhanta alli pactachishpaca, ñuca huasipi mandanguimi. Shinallatac ñuca huasi canzha pambatapish cuidangui. Chashna ruhuacpica, caipi shayacucpura shinatami cantaca ruhuasha.

NÚMEROS 15:30

Ashtahuanpish israelcuna cashpa, shuctac llactamanta shamushca cashpapish yachashca jahua juchallishpaca, ñucatami llaquichin. Chashna ruhuac runaca israelcunapuramanta anchuchishcami canga.

NÚMEROS 15:31

Ñuca rimashcata mana chasquishcamanta, mandashcacunata mana cazushcamantami chai runaca anchuchishca canga. Paipac juchamantaca paillatacmi llaquita apanga” ninmi ningui» nirca.

SAN MATEO 10:14

Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi catirishca allpatapish chaillapitac chaspishpa ringuichic.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN JUAN 12:48

Maijanpish ñucata piñashpa ñuca rimashcata mana cazucca, taripashcami canga. Ñuca rimashcallatacmi, tucuri punzhapica juchanchinga.

SAN JUAN 20:23

Pipish cancunata mana allita ruhuacpi perdonacpica, paicuna juchata ruhuashcamanta perdonashcami canga. Shinallatac pipish cancunata mana allita ruhuacpi mana perdonacpica, paicuna juchata ruhuashcamantaca mana perdonashcachu canga— nirca.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

DEUTERONOMIO 1:43

Ñuca chashna nicpipish, cancunaca mana uyarcanguichicchu, ashtahuanpish uyanapac randica, Mandac Dios nishcata mana cazushpami, cari tucushpa urcumanca huichai rircanguichic.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

DEUTERONOMIO 13:11

Caita tucui israelcuna uyashpaca, manchashpami cancunapac chaupipi chashna mana allitaca ña mana ruhuangacuna.

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 13:6

Cancunapac huauqui, cancunapac churi, cancunapac ushi, cancunapac cuyashca huarmi, mana cashpaca, cancunapac mai ricsishca: “Canpish, cambac taitacunapish mana ricsishca shuctac dioscunata,

DEUTERONOMIO 17:13

Shina ruhuacpimi, tucui israelcuna manchashpa, mana quiquin munashcata ruhuanga.

DEUTERONOMIO 17:7

Testigoracmi millaita ruhuac runataca rumihuan shitana can. Quipami chai llactapi causaccunaca rumihuan shitashpa huañuchina can. Chashnami cancunapac chaupimantaca millaita anchuchinguichic.

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

DEUTERONOMIO 18:5

Mandac Diosmi paicunatapish, paicunapac churicunatapish huiñaita paipac shutipi servichun tucui aillumanta acllarca.

DEUTERONOMIO 18:7

paipac huauquicuna shinallatac Mandac Diospac shutipi servingapac shamushpaca, Mandac Diospac ñaupapimi caishuc levitacuna shinallatac servinga.

1 TESALONICENSES 4:2

Apunchic Jesús mandacpi, ñucanchic cancunata yachachishcataca ña yachanguichicmi.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

JOSUÉ 1:18

Maijanpish can mandashcata mana cazushpa, cariyacca huañunami can. ¡Ama manchaichu, sinchi cailla!— nirca.

JUECES 20:13

Cunanca, cai Gabaa pueblopi causaccunapuramanta jatun mancharina millaita ruhuac runata huañuchishpa Israel llactamanta mana allita anchuchingapac ñucanchic maquipi churaichic— nirca. Shina nicpipish, Benjamín aillucunaca paicunapac huauqui israelcunataca mana uyasha nircacunachu.

1 SAMUEL 3:13

Paipac churicuna mana allita ruhuacpi, pai mana rimashcamantami paipac huasi ucupurataca huiñaita llaquichisha. Chaitaca paica yachanmi.