DEUTERONOMIO 17:11 - Dios Rimashcata Quillcashcami

¹¹ Paicuna yachachishcata, imata ruhuanata yuyarinacushcata tucuita ruhuanguichic. Chashna taripacushpaca allimanpish, lluquimanpish mana ladoyashpami, allichina canguichic.

DEUTERONOMIO 17:11 ပူးပေါင်းရင်းမြစ်များ

2 SAMUEL 14:19

Chashna nicpimi jatun mandacca: —Chashna nichunca, ¿manachu Joabllatac yachachishpa cacharca?— nirca. Shina nicpimi, chai huarmica: —¡Ari, jatun mandaclla, canllatac yachanguimi! Ari, can nishca shinallatacmi canta servic Joabca canman imata ninata yachachishpa cacharca.

PROVERBIOS 4:27

Alli ñanmantaca alli ladomanpish, lluqui ladomanpish ama ladoyanguichu. Cambac chaquitaca mana allimanta anchuchinguichu.

LEVÍTICO 10:11

Ñuca Moisesman huillashcacunataca tucui israelcunaman yachachinguichic» nirca.

DEUTERONOMIO 17:10

Mandac Dios acllashca pushtupi ima shina taripachun nishca shinallatac llaquichinguichic. Paicuna imata nishcata ruhuanguichic.

DEUTERONOMIO 17:20

Chashna ruhuacpimi, paicunapac huauquicunapurapi mana jatun tucushpa, allimanpish lluquimanpish mana ladoyashpa, mandashcacunallata ruhuanga. Chashnami israelpurapica unaita paipish, huahuacunapish mandacungalla.

DEUTERONOMIO 25:1

Maijan piñanacushpa, juezcunapacman ricpica, paicunaca taripashpami, cashcata ruhuac runataca cacharinga, cutin juchayuc runataca llaquichinga.

DEUTERONOMIO 28:14

Cunan ñuca huillashpa mandashcacunamantaca allimanpish, lluquimanpish ama ladoyanguichicchu. Pacta shuctac dioscunata adorashpa pandaringuichicman.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

JOSUÉ 1:7

Ñucata servic Moisés mandashcata tucui pactachingapacca, mana manchashpa, sinchi cai. Tucui causaipi ima ruhuashcacuna alli llucshichunca cai mandashcacunamantami lluqui ladomanpish, alli ladomanpish mana ladoyana cangui.

JOSUÉ 23:6

Moisés mandashpa quillcashca libropi tucui nishcata cazushpa ruhuangapacca alli sinchi caichic. Chai mandashcacunamantaca alli ladomanpish, lluqui ladomanpish ama ladoyanguichicchu.

2 PEDRO 2:10

Tucuimanta yallica Mandac Diosca, pai Mandac cachun mana chasquiccunata, mana alli munaihuan catic imapish mapata ruhuaccunatami llaquichinga. Paicunaca mana cazuccuna, imapipish cariyaccuna, shinallatac poderta charic jahua pachamanta mandaccunatapish mana manchashpa camiccuna can.

SAN JUDAS 1:8

Chai shinallatacmi chai llullashpa yachachiccunaca “muscunchicmi” nishpa, caishuccunata pandachishpa, paicunallatac mapayashpa, Mandac Diostapish mana cazushpa, jahua pacha jatun mandaccunatapish mana alli nishpa, rimashpa camincuna.