DEUTERONOMIO 15:6 - Dios Rimashcata Quillcashcami

⁶ pai nishca shinallatacmi Mandac Diosca bendicianga. Chaica, tauca llactapi causaccunamanmi mañachinguichic. Shina cashpapish cancunaca mana mañanguichicchu. Tauca llactacunatami sarunguichic. Cutin shuctac llactacunaca cancunataca mana sarui pudingachu.

DEUTERONOMIO 15:6 ပူးပေါင်းရင်းမြစ်များ

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 REYES 4:24

Salomonca Eufrates yacumantaca inti tigrana tucui ladota, shinallatac Tifsa pueblomantaca Gaza pueblocaman jatun mandaccunatami mandacurca. Shina cacpimi, muyundi llactapi causaccunapish, mana macanacushpa alli causarca.

1 CRÓNICAS 17:27

Cunanca, canta servic ñuca huasi familiacunata cambac ñaupapi huiñaita cuidashca cachunmi bendiciasha nircangui. Can Mandac Diosllatac bendiciashcamantami ñuca huasi familiaca huiñaita alli nishca canga» nirca.

2 CRÓNICAS 9:26

Salomonca Eufrates jatun yacumantaca filisteocunapac llactacaman, shinallatac Egipto llacta tupanacuicamanmi jatun mandaccunataca mandashpa charirca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

NEHEMÍAS 9:27

Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

SALMOS 37:21

Diosta mana manchac runaca imata mañashpapish mana cutichinchu. Ashtahuanpish cashcata ruhuac runaca llaquishpami cutichin.

SALMOS 37:26

Paica ima punzhapish llaquishpa mañachinllami. Paipac huahua huahuacunapish bendiciashcami canga.

PROVERBIOS 22:7

Chayuc runaca huacchacunapac mandacmi tucun. Cullquita mañac runaca mañachic runapac randishca shinami tucun.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

DEUTERONOMIO 15:5

Cunan ñuca mandashcata cancuna pactachingapac Mandac Dios rimashcata allita uyacpica,

DEUTERONOMIO 28:44

Paicunami cancunamanca mañachinga. Ashtahuanpish cancunaca ima mañachinata mana charinguichicchu. Paicunami uma shina mandanga. Cutin cancunaca chupa shinami canguichic.