DEUTERONOMIO 15:19 - Dios Rimashcata Quillcashcami

¹⁹ Tucui punta huacharishca huagracunata, cari ovejacunata Mandac Diospaclla cachun chicanyachinguichic. Punta huacharishca huagrahuan ama trabajanguichicchu. Punta huacharishca ovejata ama rutunguichicchu.

DEUTERONOMIO 15:19 ပူးပေါင်းရင်းမြစ်များ

ÉXODO 13:12

punta huacharishca churicunatapish, animalcunatapish Mandac Diosman cunguichic.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 22:30

Punta huacharishca cari huagratapish, ovejatapish ñucaman cungui. Chai punta huacharishca animalca canchis punzhatami mamahuan canga. Pusac punzhaca ñucaman cungui.

ÉXODO 34:19

Tucui cancuna charishca punta cari churicunaca ñucapacmi. Punta huacharishca cari huagracunapish, ovejacunapish, chivocunapish ñucapacmi.

LEVÍTICO 27:26

Tucui punta huacharishcaca Mandac Dios ñucapacmi. Chaimantami huagrapish, ovejapish ñucapaclla cachun mana chicanyachi pudinga.

NÚMEROS 18:15

Tucui punta churicunapish, animalcunapish ñucaman cushcaca canmanmi canga. Ashtahuanpish punta churipish, punta animalpish mana alli cacpica, cullquitami cuna can.

NÚMEROS 18:17

Shina cacpipish, punta vaca cacpi, oveja cacpi, chivo cacpica, cullquita cushpa mana saquichi pudinguichu. Chaicunaca ñucapaclla chicanyachishcami. Chai animalcunataca huañuchishpa yahuarta altarpi chirapangui. Cutin huirataca ñucaman mishquilla ashnachun rupachingui.

NÚMEROS 3:13

Egiptopi causaccunapac punta churicunata huañuchicushpami israelcunapac punta churicunataca ñucapac cachun acllashpa, mana huañuchircani. Chaimantami israelcunapac punta churicunatapish, punta animalcunatapish ñucapaclla cachun acllarcani. Ñucaca Mandac Diosmi cani» nirca.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:17

Cancuna causana llactapica chungamanta shucta cushcatapish, mushuc vinotapish, aceitetapish, punta huachashca huagratapish, ovejatapish, cushami nishca ofrendatapish, quiquin munaimanta cushca ofrendatapish, alzashpa cushca ofrendatapish mana micui pudinguichicchu.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

DEUTERONOMIO 15:18

Chai cancuna randishca runaca sucta huatatami shuc trabajac runa japina chaupi pagota japishpa servirca. Chaimanta paita cacharicushpaca ama caita chaita yuyashpa cachanguichiclla. Chashna cachacpimi, Mandac Diosca tucui cancuna ruhuashcata bendicianga.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.