DEUTERONOMIO 14:8 - Dios Rimashcata Quillcashcami

⁸ Cuchitapish ama micunguichicchu. Cuchica pallca shillu cashpapish mana librunchu. Chai aichataca ama micunguichu, huañushcapipish ama tuparinguichicchu.

DEUTERONOMIO 14:8 ပူးပေါင်းရင်းမြစ်များ

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

ISAÍAS 66:17

Mandac Diosca: «Mapa illac cangapac allichirishpa, huerta chaupiman catinacui rishpa, cuchi aichata, ucucha aichata, ima shuctac millana animalcunapac aichata micuccunataca tandachishpami tucuchisha.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

LEVÍTICO 11:3

Pallca shilluyuc, libruc animalcunatami micuna canguichic.

LEVÍTICO 5:2

Maijanpish mana yachashcamanta mapami nishcacunapi tuparishpaca mapayanmi. Chaica, sacha animal huañushcapi, charina animal huañushcapi, aisarishpa puric animal huañushcapi tuparishpa mapayashpaca, juchayucmi tucunga.

DEUTERONOMIO 14:7

Shina cashpapish libruc animalcunamantaca: Camellota, liebreta, conejotami mana micuna canguichic. Chai animalcunaca libruc animalcuna cashpapish mana pallca shilluchu.

DEUTERONOMIO 14:9

Cutin yacupi causac animalcunamantaca: Tucui alasyuc, escamayuc animalcunatami micui pudinguichic.

2 PEDRO 2:22

Ashtahuanpish paicuna chashna tucucpica: «Allcupish pai ungushcallatatacmi cutin tigrachishpa micun. Cuchipish armarishca quipaca, cutinmi turupi singun» nishcaca pactashca.