27 Cancunapac llactapi causac levitacunata pacta cungaringuichicman. Paicunaca cancuna shina allpatapish, imatapish mana charinchu.
Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.
Dios rimashca shimita yachachiccunamanca yachacuccunaca imatapish cunami can.
Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)
Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.
Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.
Chai shina millaita ruhuaccunaca Mandac Diospac millanayachinmi. Chaimantami Mandac Diosca chai llactamanta llucchishpa cachanga.
Tandanacushca criccunata allita pushaccunaca, ashtahuancarin alli huillaita huillaccuna, yachachiccunami tucuimanta yallita japina can.