DEUTERONOMIO 14:26 - Dios Rimashcata Quillcashcami

²⁶ Chai cullquihuanca shungu munashcata randinguichicllami. Chaica: Vacata, ovejata, vinota, timbushca vinota, ima munashcatami randi pudinguichic. Chaita randishpami Mandac Diospac ñaupapi cancunapac familiacunahuan micushpa cushicunguichic.

DEUTERONOMIO 14:26 ပူးပေါင်းရင်းမြစ်များ

ESDRAS 7:22

Patsac talento cullquita, patsac coro trigota, patsac bato vinota, patsac bato aceiteta cunguichic. Cachitaca mashnata mañacpipish cunguichiclla nishpa mandani.

SALMOS 106:14

Paicunaca shitashca pambapimi, paicuna munashcata ruhuarcacuna. Dios imata ruhuacta ricungapacmi, caita chaita ruhuachun nircacuna.

ECLESIASTÉS 9:7

Can imata ruhuashcacunamantaca Diosca cushicushcami. Cunanca cushicushpa cambac micunata micugrilla, cushi shunguhuan vinotapish ubiagrilla.

SAN MATEO 21:12

Jesús Diosta mañana huasiman yaicushpaca, chai ucupi catushpa, randishpa tiyaccunatami llucchishpa cacharca. Cullquita cambiana mizacunatapish, paloma catuna mizacunatapish

MARCOS 11:15

Jesusca Jerusalén puebloman chayashpami, Diosta mañana huasiman yaicushpa catuccunatapish, randiccunatapish llucchishpa cacharca. Cullquita cambiaccunapac mizacunatapish, palomacunata catuccuna tiyarinacunatapish tigrachishpami shitarca.

1 CORINTIOS 10:6

Tucui chaicunaca, paicuna shina ñucanchicpish ama millaita ruhuanata munachunmi chashnaca tucurca.

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

DEUTERONOMIO 12:15

Shina cashpapish tucui cancunapac llactacunapimi cancuna munashca shina, Mandac Dios bendiciashca animalta huañuchishpa, micui pudinguichic. Chaicunataca mapa cashpapish, mana mapa cashpapish, gacelata, venadota micuc shina micunguichiclla.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

DEUTERONOMIO 14:25

cullquita cunguichic. Cullquita apashpami maipi Mandac Dios acllashca pushtuman ringuichic.

DEUTERONOMIO 26:11

Chai quipaca cancunamanpish, cancunapac familiamanpish Mandac Dios tucui allicunata cushcamantami levitacunahuanpish, cancunahuan causac shuctac llacta runacunahuanpish cushicuna canguichic.