DEUTERONOMIO 13:17 - Dios Rimashcata Quillcashcami

¹⁷ Chaipi tiyashcacunataca Mandac Dios tucuchingapac chicanyachishca cashcamanta ama japinguichu. Chashna mana japicpimi, Mandac Diosca mana nina japiric shina mana piñanga. Shinallatac cancunapac taitacunata cuyashpa cusha nishcatapish pactachinga.

DEUTERONOMIO 13:17 ပူးပေါင်းရင်းမြစ်များ

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

SALMOS 85:3

Piñarishca cashpapish tucuimi cungarircangui. Nina japiric shina piñarishca cashpapish, alli tucurcanguimi.

ÉXODO 20:6

Ashtahuanpish ñucata cuyashpa, ñuca mandashcata cazuccunataca huaranga huaranga miraicamanmi cuyasha.

ÉXODO 32:12

Egipto runacunaca: “Israelcunapac Diosca urcucunapi huañuchishpa, cai pachamanta chingachingapacmi israelcunataca llucchishca” ningacunamari. Chaimanta ama ña ashtahuan piñarichu. Paicunata llaquichinataca cungarilla.

LAMENTACIONES 3:32

Llaquichishpapish pai yallita llaquic cashca shinallatacmi llaquin.

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

OSEAS 11:9

Ñucaca mana runachu cani, ashtahuanpish Mandac Diosmi cani. Ñucaca cancunapac chaupipi causac jucha illac Diosmi cani. Chaimanta mana Efraín aillutaca nina japiric shina piñarishpa llaquichishachu. Mana llaquichingapac yaicushachu.

NÚMEROS 25:4

Mandac Diosca Moisestaca: «Tucui israelcunata pushaccunata tandachishpa, inti achicyachicuc horas ñuca ñaupapi tucuita sipishpa huañuchi. Chashna huañuchicpimi, israelcunamanta nina ruparic shina piñachishcataca pasachisha» nirca.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

DEUTERONOMIO 13:18

Mandac Dios rimashcata uyashpa, cunan ñuca yachachishca mandashcacunata cazunguichic. Chashnami Mandac Diospac ñaupapi cashcata ruhuanguichic.

DEUTERONOMIO 30:3

Mandac Diospish prezumanta cutichimungami. Chashnami Mandac Diosca llaquishpa, mai llactacunaman pai llucchishpa cachashca cashpapish cutinllatac tandachimunga.

DEUTERONOMIO 30:5

Chashnami cancunapac ñaupa taitacuna japishca llactaman cutichimunga. Chai llactaca cancunapacmi canga. Chaipica, cancunaman allita ruhuashpami huahuacunatapish ñaupa taitacunamanta ashtahuan yallita mirachinga.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JOSUÉ 6:24

Chai pueblotaca chaipi imalla tiyashcacunandi rupachishpa tucuchirca. Cullquita, curita shinallatac broncemanta, fierromanta ruhuashcacunatami Mandac Diospac alli valishcata huacaichina ucupi churarca.

JOSUÉ 6:26

Chai punzhacunapimi Josueca pactachingapac ari nishpaca: «¡Maijanpish cai Jericó pueblota cutinllatac allichishpa shayachicca Mandac Diospac ñaupapi mana alli nishca cachun! Cai pueblo callari pircataca paipac punta churipac jahuapi churachun. Cai pueblo pungutaca quipa churipac jahuapi churachun» nirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.

JOSUÉ 8:28

Josueca Hai pueblota rupachishpami huiñaipac tucuita tucuchishpa, rumi montón shinata saquirca. Chashnami Chaica cunancamanmi chashnallatac can.