DEUTERONOMIO 13:15 - Dios Rimashcata Quillcashcami

¹⁵ tucui chai llactapi causaccunata espadahuan huañuchinguichic. Shinallatac chai llactapi ima tiyashcatapish chingachishpami, animalcunatapish espadahuan huañuchina canguichic.

DEUTERONOMIO 13:15 ပူးပေါင်းရင်းမြစ်များ

ESDRAS 10:16

Prezumanta cutimushcacunaca ima shina nishca shinallatacmi ruhuarcacuna. Chaimantami Esdras curaca ñaupa taitacunapac huasi ucupurata mandaccunata paicuna ima shina cashca shinallatac shutipi cayashpa acllarca. Paicunaca chunga quilla callari punzhapimi chai huarmicunata llucchishpa cachangapac taripai callarircacuna.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

LEVÍTICO 27:28

Maijanpish imata Mandac Dios ñucapac cachun chicanyachishcataca mana catui pudinchu. Shinallatac cullquita cushpapish mana chaihuan saquiri pudinchu. Chashnami gentetapish, animaltapish, allpatapish, ima charishcatapish mana catui pudin. Ñucapaclla chicanyachishcaca ñucapacmi can.

DEUTERONOMIO 13:14

Chashna uyaricpica, allita yachangacaman tapushpa puringuichic. Paicuna chashna millana mana allita cancunapac chaupipi ruhuashca cacpica,

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 17:4

maijan huillacpica, allita tapushpa yachanguichic. Israelcunapurapi millanayaita ciertota ruhuashca cacpica,

DEUTERONOMIO 2:34

Tucui llactacunata quichushpami, tucui tucuchircanchic. Shucllatapish mana saquishpami caritapish, huarmitapish, huahuacunatapish tucui huañuchircanchic.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

JOSUÉ 6:24

Chai pueblotaca chaipi imalla tiyashcacunandi rupachishpa tucuchirca. Cullquita, curita shinallatac broncemanta, fierromanta ruhuashcacunatami Mandac Diospac alli valishcata huacaichina ucupi churarca.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

JUECES 20:3

Benjamín aillucunaca israelcuna Mizpa puebloman huichai shamushcatami yachac chayarcacuna. Israelcunaca: —Ima shina chai jatun llaquita ruhuashcata huillaiyari— nirca.

JUECES 20:48

Israelcunaca Benjamín aillucunata huañuchingapac cutishpami chai pueblopi saquirishca gentecunatapish, animalcunatapish, espadahuan huañuchishpa maipi tiyashca pueblocunatapish ninata churashpa tucuchirca.